ಪಟ್ಟಣದ ಅಂಬೇಡ್ಕರ್ ವೃತ್ತದಿಂದ ಆರಂಭಗೊAಡ ತಿರಂಗಾ ಯಾತ್ರೆಯೂ ಹಂಪಿ ರಸ್ತೆ, ಕೃಷ್ಣದೇವರಾಯ ವೃತ್ತ, ಚೌಡಿಕೇರಿ, ಮನ್ಮಥಕೇರಿ, ತಿಮ್ಮನಾಥ ಕೇರಿ, ಹಿರೇಕೆರಿ, ಗಾರೆಭಾವಿ ಆಂಜನೇಯ ದೇಗುಲ, ವಾಲ್ಮೀಕಿ ವೃತ್ತದ, ಗೋನಾಳಕೆರಿ ಮಾರ್ಗವಾಗಿ ಊರಮ್ಮ ಬಯಲಿನ ವರೆಗೆ ಜರುಗಿತು. ತಿರಂಗಾ ಯಾತ್ರದ ಉದ್ದಕ್ಕೂ ಭಾರತೀಯ ಸೈನಿಕರ ಕಾರ್ಯಕ್ಕೆ ಜೈಘೋಷ ಕೂಗಲಾಯಿತು. ದೇಶಭಕ್ತಿಯ ಹಾಡುಗಳನ್ನು ಹಾಡುತ್ತಾ, ಸಾರ್ವಜನಿಕರು ಕೈಯಲ್ಲಿ ಭಾರತದ ಧ್ವಜವನ್ನು ಹಿಡಿದು ಮೆರವಣಿಗೆಯುದ್ದಕ್ಕೂ ಭಾಗವಹಿಸಿದರು. ಸುಮಾರು 4 ಕಿ.ಮೀ ದೂರದ ವರೆಗೆ ನಡೆದ ತಿರಂಗಾ ಧ್ವಜಯಾತ್ರೆಯಲ್ಲಿ, ವಿವಿಧ ಪಕ್ಷಗಳ ರಾಜಕೀಯ ಮುಖಂಡರು, ಕನ್ನಡಪರ ಸಂಘಟನೆಗಳು ಸೇರಿದಂತೆ ಇನ್ನಿತರ ಸಂಘಟನೆಗಳ ಪದಾಧಿಕಾರಿಗಳು ಪಾಲ್ಗೊಂಡಿದ್ದರು. ಜತೆಗೆ ಮಹಿಳೆಯರು, ವಿದ್ಯಾರ್ಥಿಗಳು ಪಾಲ್ಗೊಂಡು ದೇಶಭಕ್ತಿಗೆ ಸಾಕ್ಷಿಯಾಗುವ ಮೂಲಕ ಗಮನ ಸೆಳೆದರು.
