ಫೆ.೨೨ರಂದು ಸಂಜೆ ೬ಕ್ಕೆ ಪಾಣಾಜೆ ಸಬೋಧ ಹೈಸ್ಕೂಲ್ ನಿವೃತ್ತ ಮುಖ್ಯಶಿಕ್ಷಕ ಪಿ.ಕೃಷ್ಣ ಭಟ್ ಕಾರ್ಯಕ್ರಮ ಉದ್ಘಾಟಿಸಲಿದ್ದಾರೆ. ಬಳಿಕ ಕರ್ನಾಟಕ ಶಾಸ್ತ್ರೀಯ ಸಂಗೀತ ನಡೆಯಲಿದ್ದು, ಹಾಡುಗಾರಿಕೆಯಲ್ಲಿ ರಂಜನಿ ಗಾಯತ್ರಿ, ವಯಲಿನ್ನಲ್ಲಿ ಎಲ್.ರಾಮಕೃಷ್ಣನ್, ಮೃದಂಗದಲ್ಲಿ ದಿಲ್ಲಿ ಸಾಯಿರಾಮ್, ಘಟಂನಲ್ಲಿ ವಝಿಪಿಲ್ಲಿ ಕೃಷ್ಣ ಕುಮಾರ್ ಭಾಗವಹಿಸಲಿದ್ದಾರೆ. ಫೆ.೨೩ರಂದು ಸಂಜೆ ೬.೩೦ಕ್ಕೆ ಯಕ್ಷಗಾನ ಶ್ರೀ ಕ್ಷೇತ್ರ ಮೆಕ್ಕೆಕಟ್ಟು ಮೇಳದಿಂದ ‘ಶ್ರೀ ಕೃಷ್ಣ ಪಾರಿಜಾತ-ನರಕಾಸುರ ವಧೆ’ ನಡೆಯಲಿದೆ. ಫೆ.೨೪ರಂದು ಸಂಜೆ ೬.೩೦ರಿಂದ ಯಕ್ಷಗಾನ ಶ್ರೀ ಹನುಮಗಿರಿ ಮೇಳದಿಂದ ‘ಸಾಕೇತ ಸಾಮ್ರಾಜ್ಞಿ’ ನಡೆಯಲಿದೆ ಎಂದರು. ಡಾ.ಕೇದಾರ ಕೃಷ್ಣ ಪಾಣಾಜೆ ಉಪಸ್ಥಿತರಿದ್ದರು.
