ಉತ್ಸವದ ವೇಳೆಯೇ ದೇವಸ್ಥಾನದ ರಥದಿಂದ ಕಳಚಿ ಬಿದ್ದ ಕಳಶ; ಭಕ್ತರಲ್ಲಿ ತೀವ್ರ ಆತಂಕ!

ವಿಜಯನಗರ: ಎರಡು ವರ್ಷಗಳ ಬಳಿಕ ನಡೆದ ರಥೋತ್ಸವದಲ್ಲಿ ರಥದಿಂದ ಕಳಶ ಕಳಚಿ ಬಿದ್ದಿರುವುದು, ಭಕ್ತರಲ್ಲಿ ಆತಂಕ ಮೂಡಿಸಿದ್ದು, ಅವರನ್ನು ಚಿಂತೆಗೀಡು ಮಾಡಿದೆ. ವಿಜಯನಗರ ಜಿಲ್ಲೆಯ ಹೊಸಪೇಟೆಯ ದೇವಸ್ಥಾನವೊಂದರಲ್ಲಿ ಈ ವಿದ್ಯಮಾನ ನಡೆದಿದೆ.

ಹೊಸಪೇಟೆಯ ಸಣ್ಣಕ್ಕಿ ವೀರಭದ್ರೇಶ್ವರ ರಥೋತ್ಸವ ಕರೊನಾ ಕಾರಣದಿಂದಾಗಿ ಕಳೆದೆರಡು ವರ್ಷಗಳ ಕಾಲ ನಡೆದಿರಲಿಲ್ಲ. ಆದರೆ ಈ ಸಲ ಕರೊನಾ ಗಣನೀಯವಾಗಿ ಜನಜೀವನ ಸಹಜಸ್ಥಿತಿಗೆ ಮರಳಿದ ಹಿನ್ನೆಲೆಯಲ್ಲಿ ರಥೋತ್ಸವ ನಡೆಸಲಾಗಿದೆ. ಈ ಬಾರಿ ಹೊಸದಾಗಿ ತೇರು ನಿರ್ಮಾಣ ಮಾಡಿ, ಸಹಸ್ರಾರು ಮಂದಿಯ ಸಮ್ಮುಖದಲ್ಲಿ ಅದ್ಧೂರಿಯಾಗಿಯೇ ರಥೋತ್ಸವ ನಡೆಸಲಾಗಿದೆ.

ಆದರೆ ಹೀಗೆ ನಡೆದ ರಥೋತ್ಸವದಲ್ಲಿ ತೇರು ಸುಮಾರು 50 ಮೀಟರ್ ದೂರದಷ್ಟು ಚಲಿಸುವಷ್ಟರಲ್ಲಿ ರಥದ ಕಳಶ ಕಳಚಿಕೊಂಡು ಬಿದ್ದಿದೆ. ಆ ಕಳಶವನ್ನು ಮತ್ತೆ ಕಟ್ಟಿದರೂ ಅದು ನಿಂತಿಲ್ಲ. ಪರಿಣಾಮವಾಗಿ ದೇವಳದ ಭಕ್ತರು ಕಳಶ ಕಳಚಿಕೊಂಡಿರುವುದು ಅಪಶಕುನವಾ ಎಂಬ ಆತಂಕಕ್ಕೆ ಒಳಗಾಗಿದ್ದು, ಚಿಂತೆಗೀಡಾಗಿದ್ದಾರೆ.

https://www.vijayavani.net/boy-made-hoax-call-to-railway-station-just-to-play-pub-g/

https://www.vijayavani.net/i-am-not-against-prayers-but-the-government-should-take-a-decision-on-removing-mosque-loudspeakers/

https://www.vijayavani.net/srilanka-government-surrendered-to-big-opposition/