ಕಾಳಪ್ಪನಹಳ್ಳಿ ಕರಗಗೋತ್ಸವ ಅದ್ದೂರಿ

ನಂದಗುಡಿ ಹೋಬಳಿಯ ತಾವರೆಕೆರೆ ಗ್ರಾಪಂನ ಕಾಳಪ್ಪನಹಳ್ಳಿ ಹಾಗೂ ಮಂಚಪ್ಪನಹಳ್ಳಿ 29ನೇ ಕರಗ ಮಹೋತ್ಸವ ಶ್ರದ್ಧಾಭಕ್ತಿಯಿಂದ ನೆರವೇರಿತು.

ಮೂರನೇ ಬಾರಿಗೆ ಕರಗ ಹೊತ್ತ ತ್ಯಾಗರಾಜ್​ ಅವರೊಂದಿಗೆ ವೀರಕುಮಾರರು ಗೋವಿಂದ ನಾಮಸ್ಮರಣೆಯೊಂದಿಗೆ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿದರು. ಭಕ್ತರು ಶ್ರದ್ಧಾಭಕ್ತಿಯಿಂದ ಕರಗವನ್ನು ಬರಮಾಡಿಕೊಂಡರು. ಮಲ್ಲಿಗೆ ಹೂವು ಸುರಿದು ಭಕ್ತಿ ಸಮರ್ಪಿಸಿದರು. ಕರಗದ ಮೆರವಣಿಗೆಗೆ ತಮಟೆ ಸೇರಿ ಇತರ ವಾದ್ಯಗಳು ಸಾಥ್​ ನೀಡಿದ್ದವು. ಗ್ರಾಮದಲ್ಲಿ ಮನರಂಜನಾ ಕಾರ್ಯಕ್ರಮಗಳ ಜತೆಗೆ 11 ದೇವರ ಪಲ್ಲಕ್ಕಿಗಳನ್ನು ಮೆರವಣಿಗೆ ಮಾಡಲಾಯಿತು. ಭಕ್ತರಿಗೆ ಅನ್ನದಾಸೋಹ ಏರ್ಪಡಿಸಲಾಗಿತ್ತು.

ಗ್ರಾಪಂ ಅಧ್ಯೆ ಪ್ರಿಯಾಂಕಾ ಡಿ.ರಮೇಶ್​, ಕುಲದ ಗೌಡ ಕೆ.ಎಲ್​.ಕೃಷ್ಣಪ್ಪ, ವಹ್ನಿಕುಲ ಯಾಜಮಾನ ಕೃಷ್ಣಪ್ಪ, ಮುನಿಯಪ್ಪ, ಕೋಲ್ಕಾರ ರವಿ, ಗ್ರಾಪಂ ಮಾಜಿ ಸದಸ್ಯ ಮುನಿರಾಜು, ಎಂ.ನಾರಾಯಣಸ್ವಾಮಿ, ಲಕ್ಷ$್ಮಣ್​, ಶಿವಕುಮಾರ್​ ಹಾಗೂ ಕಾಳಪ್ಪನಹಳ್ಳಿ, ಮಂಚಪ್ಪನಹಳ್ಳಿ ಮತ್ತು ಸುತ್ತಮುತ್ತಲಿನ ಗ್ರಾಮಸ್ಥರು ಇದ್ದರು.