ಹಳೇ ನಾಣ್ಯಗಳಲ್ಲಿ ಅರಳಿದ ರಾಮಮಂದಿರ

ಕಲಘಟಗಿ: ಅಯೋಧ್ಯೆಯಲ್ಲಿ ಪ್ರಭು ಶ್ರೀರಾಮ ಮಂದಿರ ಉದ್ಘಾಟನೆಗೆ ದಿನಗಣನೆ ಶುರುವಾಗಿದೆ. ಈ ಮಧ್ಯೆ ಭಕ್ತರಿಂದ ಶ್ರೀರಾಮನಿಗೆ ಒಂದಿಲ್ಲೊಂದು ವಿಶೇಷ ಗೌರವ ಸಮರ್ಪಣೆ ಕಾರ್ಯ ನಡೆಯುತ್ತಿವೆ. ಪಟ್ಟಣದ ಯುವಕನೊಬ್ಬ ಪುರಾತನ ಕಾಲದ ನಾಣ್ಯಗಳಲ್ಲಿ ಶ್ರೀ ರಾಮಮಂದಿರ ರಚಿಸಿ ಶ್ರೀರಾಮನಿಗೆ ಅರ್ಪಿಸಿದ್ದಾನೆ.
ನಾಣ್ಯ ಸಂಗ್ರಹದಲ್ಲಿ ಅಪಾರ ಪ್ರೇಮ ಹೊಂದಿರುವ ಪಟ್ಟಣದ ಬಸವೇಶ್ವರ ನಗರದ ಸುನೀಲ ಕಮ್ಮಾರ ಎಂಬುವವರು ತಮ್ಮಲ್ಲಿದ್ದ ಪುರಾತನ ಕಾಲದ ಸುಮಾರು 16 ದೇಶಗಳ 900ಕ್ಕೂ ಅಧಿಕ ನಾಣ್ಯ ಹಾಗೂ ನೋಟುಗಳನ್ನು ಬಳಸಿ ರಾಮ ಮಂದಿರ ಚಿತ್ರಿಸಿದ್ದಾನೆ.