ಪುಸ್ತಕ ಸಂಸ್ಕೃತಿ ಪಸರಿಸುವುದು ಶ್ರೇಷ್ಠ ಕಾರ್ಯ

ಕೆಕೆಸಿಸಿಐ ಸಭಾಂಗಣದಲ್ಲಿ ಶ್ರೀ ಸಿದ್ಧಲಿಂಗೇಶ್ವರ ಬುಕ್ ಡಿಪೋ ಮತ್ತು ಪ್ರಕಾಶನ ಶನಿವಾರ ಆಯೋಜಿಸಿದ್ದ ೪೯ನೇ ವಾರ್ಷಿಕೋತ್ಸವದಲ್ಲಿ ಪ್ರಕಾಶನ ಪ್ರಕಟಿಸಿದ ೧೦೫ ಪುಸ್ತಕಗಳನ್ನು ಏಕಕಾಲಕ್ಕೆ ಲೋಕಾರ್ಪಣೆ ಮಾಡಿದ ಅವರು, ಪುಸ್ತಕಗಳಿಲ್ಲದ ಜಗತ್ತು ಊಹಿಸಿಕೊಳ್ಳುವುದು ಅಸಾಧ್ಯ. ಸಮಾಜದ ಒಳಿತು ಬಯಸುವ ಎಲ್ಲರೂ ಪುಸ್ತಕ ಪ್ರೀತಿ ಹಂಚಬೇಕು ಎಂದು ಕರೆ ನೀಡಿದರು.

ಹೈದರಾಬಾದ್ ಉಸ್ಮಾನಿಯಾ ವಿವಿ ಕಲಾ ನಿಕಾಯ ಡೀನ್ ಪ್ರೊ.ಲಿಂಗಪ್ಪ ಗೋನಾಳ ಕೃತಿ ಪರಿಚಯ ಮಾಡಿ, ಏಕಕಾಲಕ್ಕೆ ೧೦೫ ಪುಸ್ತಕಗಳನ್ನು ಪರಿಚಯಿಸುವುದು ಸಾಧ್ಯವಿಲ್ಲ. ೪೦ ವರ್ಷದ ಹಿಂದೆ ಯಾವುದೇ ಪುಸ್ತಕ ನೋಡಿದರೂ ಬೆಂಗಳೂರು ಅಥವಾ ಧಾರವಾಡದ ಪ್ರಕಾಶನ ಸಂಸ್ಥೆಗಳನ್ನು ನೋಡುತ್ತಿದ್ದೆವು. ಈಗ ನಮ್ಮ ಪ್ರದೇಶದಲ್ಲೇ ಹೆಮ್ಮೆರವಾಗಿರುವ ಸಿದ್ಧಲಿಂಗೇಶ್ವರ ಪ್ರಕಾಶನ ಸಂಸ್ಥೆ ಬೆಳೆದಿರುವುದು ಲೇಖಕರೆಲ್ಲರಿಗೂ ಸಿಕ್ಕ ಗೌರವ ಎಂದು ಸಂತಸ ವ್ಯಕ್ತಪಡಿಸಿದರು.

ಮುತ್ಯಾನ ಬಬಲಾದ ಮಠದ ಶ್ರೀ ಡಾ.ಗುರುಪಾದಲಿಂಗ ಶಿವಯೋಗಿಗಳು ಸಾನ್ನಿಧ್ಯ ವಹಿಸಿದ್ದರು. ಖ್ಯಾತ ಮನೋವೈದ್ಯ, ಲೇಖಕ ಪದ್ಮಶ್ರೀ ಡಾ.ಸಿ.ಆರ್. ಚಂದ್ರಶೇಖರ ಮಾತನಾಡಿದರು. ಪ್ರಕಾಶಕರಾದ ಡಾ.ಬಸವರಾಜ ಕೊನೇಕ್, ಸಿದ್ಧಲಿಂಗ ಕೊನೇಕ್, ಶರಣಬಸವ ಕೊನೇಕ್ ಉಪಸ್ಥಿತರಿದ್ದರು. ಸಲಹಾ ಸಮಿತಿ ಸದಸ್ಯರಾದ ಡಾ.ಸ್ವಾಮಿರಾವ ಕುಲಕರ್ಣಿ, ಪ್ರೊ.ಶಿವರಾಜ ಪಾಟೀಲ್, ಡಾ.ಗವಿಸಿದ್ದಪ್ಪ ಪಾಟೀಲ್, ಡಾ.ಚಿ.ಸಿ.ನಿಂಗಣ್ಣ, ಡಾ.ಶರಣಬಸವಪ್ಪ ವಡ್ಡನಕೇರಿ, ಡಾ.ಜಯದೇವಿ ಗಾಯಕವಾಡ ಅವರನ್ನು ಸತ್ಕರಿಸಲಾಯಿತು.

ಬೀದಿಯಲ್ಲಿ ಪುಸ್ತಕ ಮಾರುತ್ತಿದ್ದ ವ್ಯಕ್ತಿ ಕೇವಲ ಐದು ದಶಕದಲ್ಲಿ ಪುಸ್ತಕಗಳಿಗಾಗಿ ಬೃಹತ್ ಮಾಲ್ ನಿರ್ಮಿಸುವ ಮಟ್ಟಕ್ಕೆ ಬೆಳೆಯುವುದೆಂದರೆ ಸಾಮಾನ್ಯ ಮಾತಲ್ಲ. ಡಾ.ಬಸವರಾಜ ಕೊನೇಕ್ ಪದ್ಮಶ್ರೀಗೆ ಅರ್ಹರಿದ್ದು, ಕಲ್ಯಾಣ ನಾಡಿನ ಪ್ರತಿಯೊಬ್ಬ ಲೇಖಕರು ಕೇಂದ್ರ ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸುವ ಮೂಲಕ ಗೌರವ ಸಿಗುವಂತೆ ಮಾಡಬೇಕು ಎಂದು ಖ್ಯಾತ ಮನೋವಿಜ್ಞಾನಿ, ಪದ್ಮಶ್ರೀ ಡಾ.ಸಿ.ಆರ್. ಚಂದ್ರಶೇಖರ ಸಲಹೆ ನೀಡಿದರು. ಸಾಹಿತ್ಯ ಕೃತಿಗಳಿಗಿಂತಲೂ ಆರೋಗ್ಯ ಮಾಲಿಕೆಯಲ್ಲಿ ಹೆಚ್ಚು ಪುಸ್ತಕ ಪ್ರಕಟಿಸಿದರೆ ಸಾಮಾಜಿಕ ಸ್ವಾಸ್ಥö್ಯ ಹೆಚ್ಚುತ್ತದೆ. ಜನರಲ್ಲಿರುವ ಮೌಢ್ಯತೆ ಕಡಿಮೆ ಆಗುತ್ತದೆ. ಪುಸ್ತಕಗಳಿಂದಲೇ ನಾನು ಮನೋವೈದ್ಯನಾಗಿರುವೆ. ಪುಸ್ತಕಗಳು ಭವಿಷ್ಯದ ಜನಾಂಗದ ಆಸ್ತಿಯಾಗಿದ್ದು, ಈ ಆಸ್ತಿ ಸಂಪಾದನೆ ಮತ್ತು ಸಂರಕ್ಷಣೆಗೆ ಮುಂದಾಗಬೇಕು ಎಂದು ಕೋರಿದರು.

"