ಸಾಧನೆಗೆ ಕಠಿಣ ಪರಿಶ್ರಮ ಅಗತ್ಯ

ಕಲಬುರಗಿ: ನವೋದಯ ಪ್ರವೇಶ ಪರೀಕ್ಷೆಗೆ ಮೂವತ್ತು ರೂಪಾಯಿ ಶುಲ್ಕ ಕಟ್ಟಲು ತಡಕಾಡಿ ಅನೇಕ ಸಮಸ್ಯೆ ಎದುರಿಸಿ ಪೋಲಿಸ್ ಕಮಿಷನರ್ ಹುದ್ದೆ ಪಡೆಯಲು ತಾವು ಬಹಳಷ್ಟು ಶ್ರಮ ಪಟ್ಟಿz್ದೆÃನೆ. ಹೀಗಾಗಿ ಸಾಧನೆಗೆ ಕಠಿಣ ಪರಿಶ್ರಮ ಅಗತ್ಯ ಎಂದು ಕಲಬುರಗಿ ನಗರ ಪೋಲಿಸ್ ಆಯುಕ್ತ ಡಾ.ಶರಣಪ್ಪ ಢಗೆ ಹೇಳಿದರು.

ತಾಲೂಕಿನ ಹಾಗರಗುಂಡಗಿ ಸರ್ಕಾರಿ ಶಾಲೆಯ ವಾರ್ಷಿಕ ಸ್ನೇಹ ಸಮ್ಮಿಲನ ಕಾರ್ಯಕ್ರಮಕ್ಕೆ ಶನಿವಾರ ಚಾಲನೆ ನೀಡಿ ಮಾತನಾಡಿದ ಅವರು, ವಿದ್ಯಾರ್ಥಿಗಳು ಜೀವನದಲ್ಲಿ ಶಿಸ್ತು, ಪ್ರಾಮಾಣಿಕತೆ, ಸಮಯಪಾಲನೆ ಅಳವಡಿಸಿಕೊಂಡರೆ, ಭವಿಷ್ಯದಲ್ಲಿ ಉತ್ತಮ ನಾಗರಿಕರಾಗಲು ಸಾಧ್ಯ. ಉನ್ನತ ಹುದ್ದೆಗೇರಲು ಬಾಲ್ಯದಲ್ಲಿ ತಾವು ಅನೇಕ ಕಷ್ಟಗಳನ್ನು ಎದುರಿಸಿz್ದÉÃನೆ. ಒಂದು ರೂಪಾಯಿ ಕೂಡ ಮನೆಯಿಂದ ಪಡೆಯದೇ ಸ್ಕಾಲರಶಿಪ್ ಹಣದಿಂದ ಐಪಿಎಸ್ ಆದ ಘಟನೆ ಸ್ಮರಿಸಿಕೊಂಡರು. ಸೋಲು-ಗೆಲುವು ಜೀವನದ ಭಾಗಗಳು, ಆದರೆ ಪ್ರಯತ್ನ ಮತ್ತು ಆತ್ಮವಿಶ್ವಾಸವೇ ನಿಜವಾದ ಯಶಸ್ಸಿನ ಮಂತ್ರ. ವಿದ್ಯಾರ್ಥಿಗಳು ನಿರ್ದಿಷ್ಟ ಗುರಿ ಹೊಂದಿ, ಆ ಗುರಿ ಸಾಧನೆಗೆ ಶ್ರಮಿಸಬೇಕು ಎಂದು ಸಲಹೆ ನೀಡಿದರು.

ಗುಲ್ಬರ್ಗ ವಿವಿ ಕನ್ನಡ ಅಧ್ಯಯನ ವಿಭಾಗದ ಮುಖ್ಯಸ್ಥ ಪ್ರೊ.ಎಚ್.ಟಿ.ಪೋತೆ ವಿಶೇಷ ಉಪನ್ಯಾಸ ನೀಡಿದರು. ಹಾಗರಗುಂಡಗಿಯ ವಿರಕ್ತ ಮಠದ ಪೂಜ್ಯ ಶಿವಾನಂದ ಮಹಾಸ್ವಾಮಿಗಳು ಸಾನಿಧ್ಯ ವಹಿಸಿದ್ದರು. ಮಿಣಜಿಗಿಯ ಬೂದಿಬಸವೇಶ್ವರ ಸಂಸ್ಥಾನಮಠದ ಚಿದಾನಂದ ಮಹಾಸ್ವಾಮೀಜಿಗಳು, ಶಿಕ್ಷಣ ಪ್ರೇಮಿ ಬಳಗದ ಮುಖಂಡ ಗುರುಬಸಯ್ಯ ಹಿರೇಮಠ, ಅರವಿಂದ ಹುಣಚಿಕೇರಿ, ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆಯ ಮುಖ್ಯಗುರು ಗಾಳಮ್ಮ, ಉಭಯ ಶಾಲೆಯ ಎಸ್‌ಡಿಎಮ್‌ಸಿ ಸದಸ್ಯರಾದ ಮಲ್ಲಿಕಾರ್ಜುನ ಖನ್ನಾ, ಬಸವರಾಜ ವಜಾಪೂರ ಹಾಗೂ ಗ್ರಾಮದ ಮುಖಂಡ ಸೋಮಶೇಖರ ಸಜ್ಜನ್ ಇದ್ದರು.

ಶಿವಶರಣಪ್ಪ ಕುರನಳ್ಳಿ ಸ್ವಾಗತಿಸಿದರು. ಡಾ.ಬಾಬುರಾವ ಬಿದನೂರ ಪ್ರಾಸ್ತಾವಿಕ ಮಾತನಾಡಿದರೆ, ಸಿದ್ದು ಪಾಟೀಲ ಅತಿಥಿ ಪರಿಚಯ ಮಾಡಿದರು. ರಘುನಾಥ್ ಮೊಸರಬೋ ನಿರೂಪಿಸಿದರು. ಮಲ್ಲಿಕಾರ್ಜುನ ಸೇಡಂ ವಂದಿಸಿದರು. ಗ್ರಾಮದ ಶಿಕ್ಷಣ ಪ್ರೇಮಿ ಬಳಗದ ಸದಸ್ಯರು, ಶಾಲಾ ಸಿಬ್ಬಂದಿ, ಮಕ್ಕಳು, ಗ್ರಾಮಸ್ಥರು ಉಪಸ್ಥಿತರಿದ್ದರು.

"