ಚಿಂಚೋಳಿ: ಅರಣ್ಯ ಮತ್ತು ವನ್ಯಜಿವಿಗಳು ಪರಿಸರ ವ್ಯವಸ್ಥೆಯ ಜೀವನಾಡಿಯಾಗಿದ್ದು, ಇವುಗಳ ರಕ್ಷಣೆ ಅರಣ್ಯ ಇಲಾಖೆ ಮಾತ್ರವಲ್ಲ ಪ್ರತಿಯೊಬ್ಬ ನಾಗರಿಕನ ಕರ್ತವ್ಯವಾಗಿದೆ ಎಂದು ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಸುನೀಲಕುಮಾರ ಚವ್ಹಾಣ್ ಹೇಳಿದರು.
ಕುಂಚಾವರಂ ಅರಣ್ಯದಲ್ಲಿ ವನ್ಯಜಿವಿ ಸಪ್ತಾಹ ನಿಮಿತ್ತ ಶುಕ್ರವಾರ ಆಯೋಜಿಸಿದ್ದ ವಿಶೇಷ ಶ್ರಮದಾನಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು, ಕುಂಚಾವರಂ ಅರಣ್ಯ ಜೀವವೈವಿಧ್ಯದಿಂದ ಕೂಡಿದೆ. ಇಲ್ಲಿನ ಪ್ರಾಣಿ ಪಕ್ಷಿಗಳಿಗೆ ಯಾವುದೇ ರೀತಿಯ ತೊಂದರೆ ಆಗದಂತೆ ನೋಡಿಕೊಳ್ಳಬೇಕಿದೆ. ಕಾಡ್ಗಿಚ್ಚು ತಡೆಯಲು ಪ್ಲಾಸ್ಟಿಕ್ ಬಳಕೆ ಸಂಪೂರ್ಣ ನಿಷೇಧಿಸುವುದು ಹಾಗೂ ಶಿಕಾರಿ ಚಟುವಟಿಕೆಗಳ ವಿರುದ್ಧ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳುವ ಬಗ್ಗೆ ವಿವರಿಸಿದರು.
ವಲಯ ಅರಣ್ಯಾಧಿಕಾರಿ ಸಂಜೀವಕುಮಾರ, ಪ್ರಾದೇಶಿಕ ಅರಣ್ಯಾಧಿಕಾರಿ ಜಗನ್ನಾಥ ಕೊರಳ್ಳಿ, ಉಪ ವಲಯ ಅರಣ್ಯಾಧಿಕಾರಿಗಳಾದ ಪ್ರಭು ಜಾಧವ್, ಸಿದ್ದಾರೂಢ, ಸಂತೋಷ ಟೆಂಗಳಿ, ವೀರಭದ್ರ, ಮದರಸಾಬ್, ಕುಂಚಾವರಂ ಅಭಿವೃದ್ಧಿ ಅಧಿಕಾರಿ ರಾಮಕೃಷ್ಣ ಕೊರಡಂಪಳ್ಳಿ, ಗಸ್ತು ಅರಣ್ಯ ಪಾಲಕರಾದ ವೀರನಗೌಡ, ಹಾಲೇಶ್ ಕೋರವಾರ, ಗುಂಡಪ್ಪ, ಹನುಮಂತ ಕೊಚ್ಚಿ, ಮಾಳಪ್ಪ, ಸಂಗನಬಸವ ಡಿಗ್ಗಿ, ಅನೀಶ ಸಿಂಗೆ, ದೇವರಾಜ ಕಟ್ಟಿ, ಚೆನ್ನಬಸವರಾಜ, ದೇವಪ್ಪ ಇದ್ದರು. ನಂತರ ಶ್ರಮದಾನದ ಮೂಲಕ ಅರಣ್ಯ ಪರಿಸರದಲ್ಲಿನ ಪ್ಲಾಸ್ಟಿಕ್ ಇತರ ತ್ಯಾಜ್ಯಗಳನ್ನು ತೆರವುಗೊಳಿಸಿದರು.
