ಕಾರ್ತಿಕ್​ ಆಲ್​ರೌಂಡ್​ ಆಟಕ್ಕೆ ಜೇವರ್ಗಿ ತತ್ತರ

ಚಿಂಚೋಳಿ ವಾರಿಯರ್ಸ್​ ನಾಯಕ ಕಾರ್ತಿಕ್​ ರಾಠೋಡ್​ಗೆ ಪಂದ್ಯಶ್ರೇಷ್ಠ ಪ್ರಶಸ್ತಿ ನೀಡಿ ಪ್ರೋತ್ಸಾಹಿಸಲಾಯಿತು. ಡಾ.ದವಳಪ್ಪ ಬಿ.ಎಚ್​., ಡಾ.ಅರುಣಕುಮಾರ ಸಲಗರ, ಮಹಾಂತಯ್ಯ ಹಿರೇಮಠ, ಗೋವಿಂದ ಕುಲಕರ್ಣಿ ಇದ್ದರು.
ಚಿಂಚೋಳಿ ವಾರಿಯರ್ಸ್​ ನಾಯಕ ಕಾರ್ತಿಕ್​ ರಾಠೋಡ್​ಗೆ ಪಂದ್ಯಶ್ರೇಷ್ಠ ಪ್ರಶಸ್ತಿ ನೀಡಿ ಪ್ರೋತ್ಸಾಹಿಸಲಾಯಿತು. ಡಾ.ದವಳಪ್ಪ ಬಿ.ಎಚ್​., ಡಾ.ಅರುಣಕುಮಾರ ಸಲಗರ, ಮಹಾಂತಯ್ಯ ಹಿರೇಮಠ, ಗೋವಿಂದ ಕುಲಕರ್ಣಿ ಇದ್ದರು.
Published on: 

ಕಲಬುರಗಿ: ಬ್ಯಾಟಿಂಗ್​ ಹಾಗೂ ಬೌಲಿಂಗ್​ನಲ್ಲಿ ಆಕ್ರಮಣಕಾರಿ ಪ್ರದರ್ಶನ ನೀಡಿದ್ದರಿಂದ ಸರ್ಕಾರಿ ಮಹಾವಿದ್ಯಾಲಯ ಮೈದಾನದಲ್ಲಿ ಮೂನ್​ ಕ್ರಿಕೆಟ್​ ಕ್ಲಬ್​ನಿಂದ ಆಯೋಜಿಸಿರುವ ಅಂಡರ್​ 16 ಕಲಬುರಗಿ ಪ್ರೀಮಿಯರ್​ ಲೀಗ್​ ಕ್ರಿಕೆಟ್​ ಪಂದ್ಯಾವಳಿಯ ಗುರುವಾರದ ಪಂದ್ಯದಲ್ಲಿ ಚಿಂಚೋಳಿ ವಾರಿಯರ್ಸ್​ ಬರೋಬ್ಬರಿ 208 ರನ್​ಗಳ ಅಂತರದಿಂದ ಗೆಲುವು ಸಾಧಿಸಿದೆ.

ಟಾಸ್​ ಗೆದ್ದು ಬ್ಯಾಟಿಂಗ್​ಗೆ ಇಳಿದ ಚಿಂಚೋಳಿ ವಾರಿಯರ್ಸ್​ 47.5 ಓವರ್​ನಲ್ಲಿ ತನ್ನೆಲ್ಲ ವಿಕೆಟ್​ ಕಳೆದುಕೊಂಡು 305 ರನ್​ಕಲೆಹಾಕಿತು. ನಾಯಕ ಕಾರ್ತಿಕ್​ ರಾಠೋಡ್​ (88 ರನ್​, 75 ಎಸೆತ, 5 ಬೌಂಡರಿ, 1 ಸಿಕ್ಸ್​), ಶಿವರಾಜ ಬಿ. (56 ರನ್​, 56 ಎಸೆತ, 8 ಬೌಂಡರಿ) ಅರ್ಧಶತಕ ಆರ್ಭಟದ ಜತೆಗೆ ಯಶ್​ ನಿಶಾದ್​ (44 ರನ್​, 47 ಎಸೆತ, 6 ಬೌಂಡರಿ), ಸಂದೀಪ ಪವಾರ್​ (23 ರನ್​, 13 ಎಸೆತ, 5 ಬೌಂಡರಿ) ಉತ್ತಮ ಬ್ಯಾಟಿಂಗ್​ ಮಾಡಿ ತಂಡಕ್ಕೆ ನೆರವಾದರು. ಜೇವರ್ಗಿ ಸೂಪರ್​ ಗ್ಲಾಂಟ್ಸ್​ ಪರ ವಿಜಿತ್​ 62ಕ್ಕೆ 3, ಮನೋಜ ಗಾಯಕವಾಡ 48ಕ್ಕೆ 2 ವಿಕೆಟ್​ ಪಡೆದರು.

306 ರನ್​ಗಳ ಬೃಹತ್​ ಗುರಿ ಬೆನ್ನಟ್ಟಿದ ಜೇವರ್ಗಿ ಸೂಪರ್​ ಗ್ಲಾಂಟ್ಸ್​ 22.1 ಓವರ್​ನಲ್ಲಿ ಕೇವಲ 97 ರನ್​ಗಳಿಸಿ ಸರ್ವಪತನ ಕಂಡು ಸೋಲನುಭವಿಸಿತು. ಸಯ್ಯದ್​ ಮುಹಮ್ಮದ್​ ಅಯ್ಯನುಲ್ಹಾ ಹುಸೇನಿ (23 ರನ್​, 26 ಎಸೆತ, 3 ಬೌಂಡರಿ), ನಾಯಕ ವಿಜಿತ್​ (23 ರನ್​, 33 ಎಸೆತ, 4 ಬೌಂಡರಿ), ಮನೋಜ ಗಾಯಕವಾಡ (10 ರನ್​, 6 ಎಸೆತ, 1 ಬೌಂಡರಿ, 1 ಸಿಕ್ಸ್​) ಹೊರತುಪಡಿಸಿ ಇನ್ನುಳಿದವರು ರನ್​ಗಳಿಸುವಲ್ಲಿ ವಿಫಲವಾದರು. ಚಿಂಚೋಳಿ ವಾರಿಯರ್ಸ್​ ಪರ ನಾಯಕ ಕಾರ್ತಿಕ ರಾಠೋಡ್​ 21ಕ್ಕೆ 3, ಯಶ್​ ನಿಶಾದ್​ 31ಕ್ಕೆ 3, ಪ್ರಜ್ವಲ್​ ಕಿಟ್ಟದ್​ 20ಕ್ಕೆ 2 ವಿಕೆಟ್​ ಪಡೆದು ಗಮನಸೆಳೆದರು.

ಆಲ್​ರೌಂಡ್​ ಪ್ರದರ್ಶನ ನೀಡಿ ಕಾರ್ತಿಕ್​ ರಾಠೋಡ್​ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.