ಖಾಲಿ ಮನೆಗಳಲ್ಲಿ ಹಗಲುಗಳ್ಳರ ಬಂಧನ

ಸೇಡಂ ತಾಲೂಕಿನ ಶಿಲಾರಕೋಟ ಗ್ರಾಮದ ಶ್ರೀನಿವಾಸ ಬೈರಗೊಂಡ, ನವೀನ ಕುರುಕು ಬಂಧಿತ ಕಳ್ಳರು. ಜ.೨೯ರಂದು ಸೇಡಂ ತಾಲೂಕಿನ ಮುಧೋಳ ಠಾಣೆ ವ್ಯಾಪ್ತಿಯ ಭೂತಪುರದ ಕಾಶೀನಾಥ ಏನಕಿ ಅವರ ಮನೆಯಲ್ಲಿ ಹಗಲು ಹೊತ್ತಿನಲ್ಲೇ ೧೧೩ ಗ್ರಾಂ ಬಂಗಾರ, ೪೪೪ ಗ್ರಾಂ ಬೆಳ್ಳಿ ಆಭರಣ, ೧೦ ಸಾವಿರ ರೂ. ಕಳ್ಳತನ ಮಾಡಿದ್ದ ಬಗ್ಗೆ ದೂರು ಆಧರಿಸಿ, ತನಿಖೆ ನಡೆಸಿದ್ದು, ಪತ್ತೆ ಮಾಡಲಾಗಿದೆ ಎಂದು ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ಬಂಧಿತರಿಂದ ಬಂಗಾರದ ಬೋರಮಳ, ೨ ನಾನ್​, ಸರ, ಲಕ್ಷಿ$್ಮ ಹಾರ, ಜುಮಕಿ, ಇಯರ್​ ಟಾಪ್​, ವಂಕಿ, ಉಂಗುರುಗಳು, ಗಣೇಶ ಡಾಲರ್​ ಸೇರಿ ಒಟ್ಟು ೧೧೩ ಗ್ರಾಂ ಬಂಗಾರ, ಬೆಳ್ಳಿಯ ಖಡೆ, ಕಾಲಚೈನ್​, ಖಡೆ, ಉಡದಾರ, ಉಂಗುರ, ಗುತ್ತಿಚೈನ್​, ಬೆಳ್ಳಿ ಚೈನ್​ ಸೇರಿ ಒಟ್ಟು ೪೪೪ ಗ್ರಾಂ ಬೆಳ್ಳಿ ಸೇರಿ ಒಟ್ಟು ೧೭.೫೦ ಲಕ್ಷ ರೂ. ಮೌಲ್ಯದ ಚಿನ್ನಾಭರಣ, ಕೃತ್ಯಕ್ಕೆ ಬಳಸಿದ ಲಕ್ಷ ರೂ. ಮೌಲ್ಯದ ಪಲ್ಸರ್​ ಬೈಕ್​ ಜಪ್ತಿ ಮಾಡಿಕೊಳ್ಳಲಾಗಿದೆ ಎಂದು ಹೇಳಿದರು.

ದೂರು ಆಧರಿಸಿ ಚಿಂಚೋಳಿ ಡಿವೈಎಸ್​ಪಿ ಸಂಗಮನಾಥ ಹಿರೇಮಠ ಮರ‍್ಗರ‍್ಶನದಲ್ಲಿ ತನಿಖಾಧಿಕಾರಿ ಪಿಐ ದೌಲತ್​ ಎನ್​ಕೆ ನೇತೃತ್ವದಲ್ಲಿ ಪಿಎಸ್​ಐ ಮುರುಡೇಶ್ವರ, ಎಎಸ್​ಐ ಭೀಮಪ್ಪ, ಸಿಬ್ಬಂದಿ ಶಂಕರಗೌಡ, ವೀರಾರೆಡ್ಡಿ, ನರೇಶ, ಬಲರಾಮ, ಮಹೇಶ ಅವರ ತಂಡ ಯಶಸ್ವಿ ಕರ‍್ಯಾಚರಣೆ ನಡೆಸಿದ್ದಕ್ಕೆ ಶ್ಲಾಘಿಸಿದರು.

ಎಎಸ್​ಪಿ ಮಹೇಶ ಮೇಣ್ಣನವರ್​ ಇತರರಿದ್ದರು.

ಚಟ, ಶೋಕಿಗಾಗಿ ಕಳ್ಳತನ

ಭೂತಪುರ ಕಳ್ಳತನ ಪ್ರಕರಣದ ಆರೋಪಿಗಳಾದ ಶ್ರೀನಿವಾಸ, ನವೀನ ರೂಢಿಗತ ಅಪರಾಧಿಗಳಾಗಿದ್ದು, ಇಬ್ಬರ ಮೇಲೆ ಮುಧೋಳ ಠಾಣೆ, ತೆಲಂಗಾಣ ಸೇರಿ ೧೨ ಪ್ರತ್ಯೇಕ ಕಳ್ಳತನ ಪ್ರಕರಣ ದಾಖಲಾಗಿವೆ. ಇವರು ಹೊಸ ಬೈಕ್​, ಬಟ್ಟೆ ಖರೀದಿಸಿ ಶೋಕಿ ಮಾಡುವ ಛಾಳಿ ಹೊಂದಿದ್ದು, ಕಳ್ಳತನದ ಹಣ ಬಳಸುತ್ತಿದ್ದರು. ಹಿಂದಿನ ಪ್ರಕರಣದ ಕರ‍್ಟ್​ ಕೇಸ್​ ಮುನ್ನಡೆಸಲು ವಕೀಲರಿಗೆ ಹಣ ನೀಡುವುದಕ್ಕಾಗಿ ಕಳ್ಳತನ ಮಾಡುತ್ತಿದ್ದರು ಎಂದು ಎಸ್​ಪಿ ತಿಳಿಸಿದರು.