ಚೌಡಯ್ಯ ಜಯಂತಿ ನಿಮಿತ್ತ ನಗರೇಶ್ವರ ಶಾಲೆಯಿಂದ ಬೆಳಗ್ಗೆ 11ಕ್ಕೆ ಚೌಡಯ್ಯನವರ ಬೃಹತ್ ಸಾಂಸತಿಕ ವೈಭವದಿಂದ ನಡೆಯಲಿದ್ದು, ಚನ್ನಪಟ್ಟಣ ಹಾಗೂ ನವಲಗುಂದದ ಗೊಂಬೆಗಳ ಪ್ರದರ್ಶನ, ನಾಸಿಕ್ ಡೋಲ್, ಆಂಧ್ರಪ್ರದೇಶದ ಜಾನಪದ ಕಲಾ ತಂಡಗಳು, ಭಾಜಾ ಭಜಂತ್ರಿ, ಕಾಂತಾರ ಚಂಡಿ ಮೆರವಣಿಗೆ, ಮೈಲಾರಲಿಂಗೇಶ್ವರ ಗೊಂಬೆ ಬಳಗದ ಪ್ರದರ್ಶನ, ಹುಲಿಕುಣಿತ, ಒಂಟೆ, ಕುದುರೆಗಳ ಮೆರವಣಿಗೆ ನಡೆಯಲಿದೆ ಎಂದು ತಿಳಿಸಿದರು. ಗಂಗಾನಗರದಿಂದಲೂ 101 ಮುತೆದೆಯರು ಪೂರ್ಣಕುಂಭ ಕಲಶದೊಂದಿಗೆ ಮೆರವಣಿಗೆ ನಡೆಯಲಿದೆ. ಸಂಜೆ 6ಕ್ಕೆ ಎಸ್ವಿ ವೃತ್ತದಿಂದ ಜಗತ್ ವೃತ್ತದವರೆಗೆ ಚೌಡಯ್ಯ ಯುವಕ ಮಂಡಳಿಯಿಂದ ಬೃಹತ್ ಮೆರವಣಿಗೆ ನಡೆಯಲಿದೆ ಎಂದು ಬಸವರಾಜ ಬೂದಿಹಾಳ ತಿಳಿಸಿದರು.
