ಕಲಬುರಗಿ: ಆಧುನಿಕ ಬದುಕಿನ ಒತ್ತಡಗಳನ್ನು ಎದುರಿಸಲು ಆಧ್ಯಾತ್ಮಿಕ ನೆಮ್ಮದಿಯ ದಾರಿದೀಪವಾಗಬಲ್ಲ ಲೇಖಕ ಗುರುರಾಜ ಕುಲಕರ್ಣಿ ಅವರ "ಡಿವೈನ್ ಎಕೋಸ್ ಫ್ರಮ್ ಧಾರವಾಡ' ಎಂಬ ಇಂಗ್ಲಿಷ್ ಕೃತಿ ಧಾರವಾಡದ ಉತ್ತರಾದಿ ಮಠದ ಶ್ರೀ ಹಯಗ್ರೀವ ದೇವಸ್ಥಾನದಲ್ಲಿ ಬುಧವಾರ ಲೋಕಾರ್ಪಣೆಗೊಂಡಿತು.
ಉತ್ತರಾದಿ ಮಠದ ಪೀಠಾಧಿಪತಿ ಪರಮಪೂಜ್ಯ ಶ್ರೀ ಸತ್ಯಾತ್ಮತಿರ್ಥರ 31ನೇ ಚಾತುರ್ಮಾಸ್ಯದ ದಿವ್ಯ ಪ್ರವಚನಗಳ ಆಧಾರಿತ ಈ ಕೃತಿಯನ್ನು ಸ್ವತ@ ಶ್ರೀಗಳು ಲೋಕಾರ್ಪಣೆ ಮಾಡಿ ಅನುಗ್ರಹ ಸಂದೇಶ ನೀಡಿ, ಪ್ರವಚನಗಳನ್ನು ಸರಳ ಇಂಗ್ಲಿಷ್ನಲ್ಲಿ ಸಂಗ್ರಹಿಸಿ, ಸ್ವತ@ ಮುದ್ರಣ ಮಾಡಿಸಿ, ಸುಮಾರು 1008 ಜನರಿಗೆ ಉಚಿತವಾಗಿ ವಿತರಿಸಿರುವುದು ವಿಶೇಷ ಧಾರ್ಮಿಕ ಸೇವೆಯಾಗಿದೆ. ಗುರುರಾಜ ಕುಲಕರ್ಣಿ ಹಾಗೂ ಅವರ ಕುಟುಂಬದವರಿಗೆ ವಿಶೇಷ ಅನುಗ್ರಹವಾಗಲಿ ಎಂದು ಆಶೀರ್ವದಿಸಿದರು.
ವಿಶ್ರಾಂತ ನ್ಯಾಯಮೂರ್ತಿ, ನಾಡೋಜ ಶಿವರಾಜ ವಿ. ಪಾಟೀಲ್ ಅವರ "ಾನವು ಸಮಾಜವನ್ನು ಬೆಳಗಬೇಕು' ಎಂಬ ಉದಾತ್ತ ತತ್ವದಿಂದ ಪ್ರೇರಣೆ ಪಡೆದು ಕೃತಿ ರಚಿಸಲಾಗಿದೆ. ಈ ಪ್ರಯತ್ನಕ್ಕೆ ಪ್ರೇರಣೆ ನೀಡಿದ ಸುಪ್ರೀಂ ಕೋರ್ಟ್ ವಿಶ್ರಾಂತ ನ್ಯಾಯಮೂರ್ತಿ ಶಿವರಾಜ ವಿ. ಪಾಟೀಲ್ ಅವರನ್ನು ಶ್ರೀಗಳು ದೂರವಾಣಿ ಮೂಲಕ ಅಭಿನಂದಿಸಿ ಆಶೀರ್ವದಿಸಿದರು.
ಶ್ರೀಮಠದ ದಿವಾನ್ ಪಂ.ಶಶಿಧರಾಚಾರ್ಯ, ಪಂ.ಪುಷ್ಕರಾಚಾರ್ ಇತರರಿದ್ದರು.
ದಿನವಾರು ಪ್ರವಚನಗಳ ಸಂಗ್ರಹ
ಕೃತಿಯಲ್ಲಿ 31ನೇ ಚಾತುರ್ಮಾಸ್ಯದ ಪ್ರವಚನಗಳನ್ನು ದಿನವಾರು ಕ್ರಮಬದ್ಧವಾಗಿ ಸಂಗ್ರಹಿಸಲಾಗಿದೆ. ಓದುಗರಿಗೆ ವಿಷಯವನ್ನು ಸುಲಭವಾಗಿ ಅರ್ಥೈಸಿಕೊಳ್ಳಲು ಸೂಕ್ತ ಚಿತ್ರಗಳನ್ನು ಅಳವಡಿಸಲಾಗಿದೆ. ಅಲ್ಲದೆ, ಸ್ವಾಮೀಜಿ ಅವರ ಪ್ರವಚನಗಳನ್ನು ನೇರವಾಗಿ ವೀಸಲು ದಿನವಾರು ಕ್ಯೂಆರ್ ಕೋಡ್ಗಳನ್ನು ನೀಡಲಾಗಿದೆ.
