ಕಲಬುರಗಿ: ಶಿಸ್ತು ಇದ್ದಲ್ಲಿ ಸರ್ವಕಾರ್ಯವೂ ಯಶಸ್ವಿಯಾಗಿ ಸಾಗುತ್ತದೆ. ಜೀವನದಲ್ಲಿ ಶಿಸ್ತಿನೊಂದಿಗೆ ಉತ್ಸಾಹ ತುಂಬಿ ವಿದ್ಯಾರ್ಥಿಗಳ ಜೀವನದ ದಿಸೆ ಬದಲಿಸುವ ಸಂಕಲ್ಪದೊAದಿಗೆ ದಿಶಾ ಕಾಲೇಜು ಕಾರ್ಯನಿರ್ವಹಿಸುತ್ತಿದ್ದು, ಮಕ್ಕಳು ಉನ್ನತ ಧ್ಯೇಯದೊಂದಿಗೆ ನಿರಂತರ ಅಧ್ಯಯನದಲ್ಲಿ ತೊಡಗಿಸಿಕೊಳ್ಳಬೇಕು ಎಂದು ಶಾಲಾ ಶಿಕ್ಷಣ (ಪದವಿ ಪೂರ್ವ) ಉಪ ನಿರ್ದೇಶಕ ಅಶೋಕ ಶಾಸ್ತ್ರಿ ಹೇಳಿದರು.
ನಗರದ ಡಾ.ಎಸ್.ಎಂ.ಪಂಡಿತ ರಂಗಮಂದಿರದಲ್ಲಿ ಬುಧವಾರ ಹಮ್ಮಿಕೊಂಡ ಸಂಕಲ್ಪ ಫೌಂಡೇಷನ್ನ ದಿಶಾ ಪದವಿ ಪೂರ್ವ ವಿಜ್ಞಾನ ಕಾಲೇಜಿನ ಬೀಳ್ಕೊಡುಗೆ ಸಮಾರಂಭದಲ್ಲಿ ಮಾತನಾಡಿ, ಉತ್ಕೃಷ್ಟ ದರ್ಜೆಯ ಶಿಕ್ಷಣದ ಗುರಿಯೊಂದಿಗೆ ಸಂಸ್ಥೆಗಳು ಕಾರ್ಯನಿರ್ವಹಿಸುತ್ತಿದ್ದು, ಸದುಪಯೋಗ ಪಡೆದುಕೊಳ್ಳಬೇಕು ಎಂದರು.
ಮಾರ್ಚ್ನಲ್ಲಿ ಪರೀಕ್ಷೆ ಆರಂಭವಾಗಿದ್ದು, ಶಿಸ್ತು, ಸಮಯ ಪ್ರಜ್ಞೆಯೊಂದಿಗೆ ಶ್ರದ್ಧೆಯಿಂದ ಬೋಧನೆ ಆಲಿಸಿ ಧೈರ್ಯದಿಂದ ಪರೀಕ್ಷೆ ಎದುರಿಸಬೇಕು. ಸತತ ಅಧ್ಯಯನ ಮಾಡಿ, ಸಾಮರ್ಥ್ಯಕ್ಕೆ ಅನುಗುಣವಾಗಿ ಅಭ್ಯಾಸ ಮಾಡಿದರೆ ಕೀರ್ತಿ ಬರುತ್ತದೆ. ನಿರಂತರ ಓದು, ಬರಹ ರೂಢಿಸಿಕೊಳ್ಳಬೇಕು. ಆತ್ಮವಿಶ್ವಾಸ ಇರಲಿ ಎಂದರು.
ಸAಸ್ಥೆ ಅಧ್ಯಕ್ಷ ಶಿವಾನಂದ ಖಜೂರ್ಗಿ ಮಾತನಾಡಿ, ಕಾಲೇಜು ಜೀವನ ಬದುಕನ್ನು ಕಟ್ಟಿಕೊಂಡು ಭವಿಷ್ಯ ರೂಪಿಸಿಕೊಳ್ಳುವ ಕ್ಷಣ. ಅತ್ಯುತ್ತಮ ಸಮಾಜಕ್ಕೆ ಉತ್ತಮ ಪ್ರಜೆಗಳಾಗಿ ಹೊರಹೊಮ್ಮಬೇಕು. ವ್ಯಕ್ತಿಕತ್ವ ರೂಪಿಸುವುದಕ್ಕಾಗಿ ಹಗಲಿರುಳು ಶ್ರಮಿಸಲಾಗುತ್ತಿದೆ. ನಮ್ಮ ಕಾಲೇಜು ಕಲ್ಯಾಣ ಕರ್ನಾಟಕ ಭಾಗದಲ್ಲೇ ಕೀರ್ತಿ ಹೊಂದಿದ್ದು, ಆ ಜವಾಬ್ದಾರಿಯನ್ನು ಯಶಸ್ವಿಯಾಗಿ ಮುನ್ನಡೆಸಲಾಗುವುದು ಎಂದು ವಿಶ್ವಾಸ ವ್ಯಕ್ತಪಡಿಸಿದರು.
ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಸದಸ್ಯ ಬಿ.ಎಚ್.ನಿರಗುಡಿ ಮಾತನಾಡಿ, ಕಾಲೇಜು ಅಧ್ಯಯನಕ್ಕೆ ದಿಸೆ ತೋರಿಸುತ್ತದೆ. ಉಪನ್ಯಾಸಕರ ಬೋಧನೆ ಆಲಿಸಿ, ಕನಸು ನನಸು ಮಾಡಿ. ಗಣಿತ ಮೆಷ್ಟç ಕೈಯಲ್ಲಿ ಕಲಿತವರ ಲೆಕ್ಕಾಚಾರ ಯಶಸ್ವಿಯಾಗಿ ಸಾಗಲಿ ಎಂದು ಶುಭ ಹಾರೈಸಿದರು.
ಸಂಕಲ್ಪ ಫೌಂಡೇಷನ್ ಶಿಕ್ಷಣ ಸಂಸ್ಥೆಯ ಕಾರ್ಯದರ್ಶಿ ಪ್ರಶಾಂತ ಮಾನಕರ, ಜಂಟಿ ಕಾರ್ಯದರ್ಶಿ ಗುರುರಾಜ ಮುಕ್ಕಾ, ಖಜಾಂಚಿ ನಿತೀನ ತಾಂದಳೆ, ಟ್ರಸ್ಟಿಗಳಾದ ವೆಂಕಟೇಶ ಅಮ್ಮಣ, ಡಾ.ಸಂಜೀವರೆಡ್ಡಿ, ಸಂಪತ್ ಸಾರಡಾ, ಯುವರಾಜ ಚಿಂಚೋಳಿ, ಮುಕೇಶ ಮಾಲು, ಸಂತೋಷ ಜಕಾಪುರೆ ಇತರರಿದ್ದರು. ಶ್ರೀಲಕ್ಷ್ಮೀ ಸಿದ್ದಪ್ಪ ಅತಿಥಿ ಪರಿಚಯಿಸಿದರು. ವೈಷ್ಣವಿ ಅಂಕದೊಡ್ಡಿ ಸ್ವಾಗತಿಸಿದರು. ಸೃಷ್ಟಿ ಸೈದಾಪುರ ವಂದಿಸಿದರು.
