ಈ ಮಾತಿಗೆ ಕೆರಳಿದ ಪ್ರತಿಪಕ್ಷ ನಾಯಕ ಅಜ್ಮಲ್ ಗೋಲಾ, ಹಿರಿಯ ಸದಸ್ಯ ಸೈಯದ್ ಅಹ್ಮದ್ ಸೇರಿ ಇತರ ಕಾಂಗ್ರೆಸ್ ಸದಸ್ಯರು ಮೇಯರ್ ಎದುರು ಬಂದು ಆಕ್ರೋಶ ವ್ಯಕ್ತಪಡಿಸಿದರು. ಕಾಂಗ್ರೆಸ್ನ ಅಯೂಬ್ ತಯ್ಯುಬ್ಖಾನ್ ಖುರ್ಚಿ ಎತ್ತಿ ಹಾಕಿ, ಕಿಡಿ ಕಾರಿದರು. ಅಜ್ಮಲ್ ಗೋಲಾ ಮೇಯರ್ ವಿಶಾಲ ದರ್ಗಿ ಎದುರಿನ ಮೇಜಿನ ಮೇಲೆ ಹತ್ತಿ ಕುಳಿತು ಪ್ರತಿಭಟನೆ ನಡೆಸಿದರು.
ಕೃಷ್ಣಾ ನಾಯಕರನ್ನು ಹೊರಗೆ ಕಳುಹಿಸಿ, ಬಹಿರಂಗ ಕ್ಷಮೆ ಕೇಳಿಸಿ ಎಂದು ಪಟ್ಟು ಹಿಡಿದರು. ಈ ವೇಳೆ ಗೊಂದಲಕ್ಕೀಡಾಗಿ, ಸಂಭಾಳಿಸಲು ಮುಂದಾದ ಮೇಯರ್ ದರ್ಗಿ, ಸಭೆಯನ್ನು ಕೆಲ ಕಾಲ ಮುಂದೂಡಿದರು. ಎರಡು ಪಕ್ಷದ ಮುಖಂಡರನ್ನು ಕರೆಸಿ, ಸಂಧಾನ ನಡೆಸಿದರು. ಸಭೆ ಮರಳಿ ಆರಂಭವಾದಾಗ ಕೃಷ್ಣಾ ನಾಯಕ್ ಕ್ಷಮೆ ಕೇಳುವಂತೆ ಸೂಚಿಸಿದರು. ಮೇಯರ್ ಸೂಚನೆಯಂತೆ ಕೃಷ್ಣಾ ನಾಯಕ್ ಯಾರಿಗಾದರೂ ನೋವಾಗಿದ್ದರೆ ಕ್ಷಮೆ ಕೇಳುತ್ತೇನೆ ಎಂದರು.
