ನೂರಾರು ದಿನಗಳ ಕಾಲ ಜೈಲಲ್ಲಿದ್ದವರು, ಬೇಲ್ ಮೇಲೆ ಇರುವವರು ಬಿಜೆಪಿಯವರು. ಸದ್ಯ ವೀರಪ್ಪನ್ ಮಗಳು ಯಾವ ಪಕ್ಷದಲ್ಲಿದ್ದಾರೆ?, ಬಿಜೆಪಿ ಅಲ್ಲವೇ. ಅಂತಹವರನ್ನು ಪಕ್ಷದ ಅಭ್ಯರ್ಥಿಗಳನ್ನು ಮಾಡಿಕೊಂಡಿರುವ ಬಿಜೆಪಿಯವರಿಗೆ ನಾವು ಯಾಕೆ ಉತ್ತರ ನೀಡಬೇಕು ಎಂದು ಪ್ರಶ್ನೆ ಮಾಡಿದರು.
ವಾಲ್ಮೀಕಿಯು ರಾಮಾಯಣವನ್ನು ಬರೆದೇ ಇಲ್ಲವೆಂದು ಬಿಜೆಪಿಯ ಒಬ್ಬ ಮಹಾನ್ ನಾಯಕರೊಬ್ಬರು ಹೇಳಿಕೆ ನೀಡಿದ್ದಾರೆ ಎಂದರೆ ಅವರ ಮನಸ್ಥಿತಿ ಹೇಗೆ ಎನ್ನುವುದನ್ನು ಅರ್ಥ ಮಾಡಿಕೊಳ್ಳಿ. ರಾಜ್ಯ, ದೇಶಕ್ಕೆ ರಾಮ, ಸೀತೆಯ ಗುಣಗಳು ಬಂದರೆ ಉತ್ತಮ ಸಮಾಜ ನಿಮಾರ್ಣವಾಗುತ್ತದೆ ಎಂದರು.
ಮಾಜಿ ಸಚಿವ ನಾಗೇಂದ್ರ ಅವರು ಜಾಮೀನಿನ ಮೇಲೆ ಇದ್ದಾರೆ. ವಾಲ್ಮೀಕಿ ಸಮಾಜದ ಶಾಸಕರಾಗಿರುವ ಅವರು ಭೇಟಿ ಮಾಡಲು ಬಂದಾಗ ಸಿಎಂ ಹೊರಗೆ ಕಳುಹಿಸಲು ಸಾಧ್ಯವಾ?. ಅವರು ಅಪರಾಧಿ ಅಥವಾ ನಿರಪರಾಧಿ ಎನ್ನುವುದನ್ನು ನ್ಯಾಯಾಲಯವು ತೀರ್ಪು ನೀಡಲಿದ್ದು, ವಿಚಾರಣೆೆಯವರೆಗೂ ಕಾಯಬೇಕಿದೆ ಎಂದು ತಿಳಿಸಿದರು.ಮುಡಾ ಅಧ್ಯಕ್ಷ ಮರಿಗೌಡರನ್ನು ರಾಜೀನಾಮೆ ನೀಡುವಂತೆ ಯಾರೂ ಒತ್ತಡ ಹಾಕಿಲ್ಲ. ಹುಷಾರಿಲ್ಲದ ಕಾರಣ ರಾಜೀನಾಮೆ ನೀಡಿದ್ದೇನೆಂದು ಅವರೇ ಸ್ಪಷ್ಟಪಡಿಸಿದ್ದಾರೆ. ಹೀಗಾಗಿ ಬೇರೆಯವರನ್ನು ನೇಮಕ ಮಾಡುತ್ತೇವೆ ಎಂದರು.
