ನಿರಂತರ ಅನ್ವೇಷಣೆಯಿಂದ ಅಪೂರ್ವ ಕಲೆಯ ಸಿದ್ಧಿ...

ಹಿರಿಯ ಕಲಾವಿದ ಭಾಸ್ಕರ್​ ರಾವ್​ ಅನಿಸಿಕೆ

ಡಿವೈನ್​ ಡೈಮೆನ್ಷನ್ಸ್​ ಕಲಾ ಪ್ರದರ್ಶನ ಉದ್ಘಾಟನೆ

ವಿಜಯವಾಣಿ ಸುದ್ದುಜಾಲ ಉಡುಪಿ

ಸಾಂಪ್ರದಾಯಿಕ ಕಲಾ ಪ್ರಕಾರವೊಂದನ್ನು ಕಲಾವಿದ ಹೇಗೆ ಬಳಸಿಕೊಳ್ಳಬಹುದು ಎನ್ನುವುದಕ್ಕೆ ಈ ಏಕವ್ಯಕ್ತಿ ಕಲಾ ಪ್ರದರ್ಶನವೇ ನಿದರ್ಶನ. ಕಲಾವಿದ ನಿರಂತರ ಅನ್ವೇಷಣೆಯಲ್ಲಿ ತೊಡಗಿಕೊಂಡಾಗ ಮಾತ್ರ ಅಪೂರ್ವವಾದ ಕಲೆ ಸಿದ್ಧಿಸುತ್ತದೆ ಎಂದು ಹಿರಿಯ ಕಲಾವಿದ ಭಾಸ್ಕರ್​ ರಾವ್​ ಅನಿಸಿಕೆ ವ್ಯಕ್ತಪಡಿಸಿರು.

ಬೆಂಗಳೂರು ಬಸವನಗುಡಿಯ ಇಂಡಿಯನ್​ ಇನ್​ಸ್ಟಿಟ್ಯೂಟ್​ ಆಫ್​ ವರ್ಲ್ಡ್​ ಕಲ್ಚರ್​ ಗ್ಯಾಲರಿಯಲ್ಲಿ ಕಾವಿ ಆರ್ಟ್​ ಫೌಂಡೇಷ್​ನ್​ ಹಾಗೂ ಸಂಸ್ಕಾರ ಭಾರತೀ ಬೆಂಗಳೂರು ಆಶ್ರಯದಲ್ಲಿ ಬುಧವಾರ ಆಯೋಜಿಸಿದ್ದ ಕರ್ನಾಟಕ ಕರಾವಳಿಯ ಸಾಂಪ್ರದಾಯಿಕ ಕಾವಿ ಕಲೆಯ ಡಾ. ಜನಾರ್ದನ್​ ರಾವ್​ ಹಾವಂಜೆ ಅವರ ಡಿವೈನ್​ ಡೈಮೆನ್ಷನ್ಸ್​ ಎಂಬ ಏಕವ್ಯಕ್ತಿ ಕಲಾ ಪ್ರದರ್ಶನ ಉದ್ಘಾಟಿಸಿ ಮಾತನಾಡಿದರು.

ಕರ್ನಾಟಕ ಕರಾವಳಿಯ ಹೆಮ್ಮೆಯ ಕಲೆ

ಕಲಾವಿದ ಡಾ.ಜನಾರ್ದನ್​ ರಾವ್ ಹಾವಂಜೆ, ಪ್ರದರ್ಶನದ ಸಂಯೋಜಕ ಪವನ್​ ಎಲ್​. ರಾವ್​ ಉಪಸ್ಥಿತರಿದ್ದರು. ಸಂಸ್ಕಾರ ಭಾರತೀ ಸಂಸ್ಥೆಯ ಹೇಮಂತ್​ ಜೆ. ರಾವ್​ ಕಾರ್ಯಕ್ರಮ ನಿರ್ವಹಿಸಿದರು.

ಕಾವಿ ಕಲೆಯ ಈ ಕಲಾ ಪ್ರದರ್ಶನದಲ್ಲಿ ಪುರಾಣಿಕ ಕಥಾ ಸಂಯೋಜನೆ, ಮಂಡಲ ವಿನ್ಯಾಸ, ಟ್ರೀ ಆಫ್​ ಲೈಫ್​ ಮುಂತಾದ 60ಕ್ಕೂ ಹೆಚ್ಚು ಕಲಾಕೃತಿಗಳಿವೆ. ಡಿ.29ರ ವರೆಗೆ ಬೆಳಗ್ಗೆ 10ರಿಂದ ಸಂಜೆ 7:30ರ ವರೆಗೆ ವೀಕ್ಷಣೆಗೆ ಅವಕಾಶವಿದೆ.