ಜೆಎಸ್​ಡಬ್ಲ್ಯು ಎಕ್ಸ್​ಪೀರಿಯನ್ಸ್ ಸೆಂಟರ್ ಉದ್ಘಾಟನೆ

ಹುಬ್ಬಳ್ಳಿ: ನಗರದ ಭಗತ್​ಸಿಂಗ್ ವೃತ್ತದಲ್ಲಿರುವ ಕಮಲ್ ಸ್ಟೀಲ್ ಪ್ರಾಡಕ್ಟ್ಸ್ ಲಿಮಿಟೆಡ್​ನ ಆವರಣದಲ್ಲಿ ಜೆಎಸ್​ಡಬ್ಲ್ಯು ಸ್ಟೀಲ್ ಲಿಮಿಟೆಡ್​ನ ಜೆಎಸ್​ಡಬ್ಲ್ಯು ಎಕ್ಸ್​ಪೀರಿಯನ್ಸ್ ಸೆಂಟರ್​ನ ಉದ್ಘಾಟನೆ ಸೋಮವಾರ ನಡೆಯಿತು.

ಉದ್ಘಾಟನೆ ಪೂರ್ವ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಜೆಎಸ್​ಡಬ್ಲ್ಯು ಸ್ಟೀಲ್ ಲಿಮಿಟೆಡ್​ನ ಹಿರಿಯ ಉಪಾಧ್ಯಕ್ಷ ಅಶ್ರಫ್ ಅಲಿಖಾನ್, ಹುಬ್ಬಳ್ಳಿಯ ಜೆಎಸ್​ಡಬ್ಲ್ಯು ಎಕ್ಸ್​ಪೀರಿಯನ್ಸ್ ಸೆಂಟರ್ ಕರ್ನಾಟಕ ರಾಜ್ಯದಲ್ಲಿ ಮೊದಲ ಹಾಗೂ ದೇಶದಲ್ಲಿ 8ನೇಯದ್ದಾಗಿದೆ. ಇನ್ನು ಮುಂದೆ ಕರ್ನಾಟಕದಲ್ಲಿ 7 ಸೇರಿ ದೇಶದಲ್ಲಿ 27 ಹೊಸ ಎಕ್ಸ್​ಪೀರಿಯನ್ಸ್ ಸೆಂಟರ್ ತೆರೆಯುವ ಉದ್ದೇಶ ಹೊಂದಿದ್ದೇವೆ ಎಂದು ವಿವರಿಸಿದರು.

ಹಿರಿಯ ಉಪಾಧ್ಯಕ್ಷ (ಮಾರ್ಕೆಟಿಂಗ್) ವಿಶ್ವನಾಥನ್ ಮಾತನಾಡಿ, ಎಕ್ಸ್​ಪೀರಿಯನ್ಸ್ ಸೆಂಟರ್ ಒಂದು ವಿನೂತನವಾದ ಪರಿಕಲ್ಪನೆಯಾಗಿದೆ. ಗ್ರಾಹಕರಿಗೆ ನಮ್ಮ ಉತ್ಪನ್ನಗಳನ್ನು ಅರ್ಥಮಾಡಿಕೊಳ್ಳಲು ಅನುವು ಮಾಡಿಕೊಡುತ್ತದೆ. ಇದು ಗ್ರಾಹಕರಲ್ಲಿ ಬ್ರ್ಯಾಂಡ್ ಅರಿವು ಹೆಚ್ಚಸಲಿದೆ ಮತ್ತು ಖರೀದಿ ನಿರ್ಧಾರಗಳನ್ನು ಸುಗಮಗೊಳಿಸಲಿದೆ ಎಂದರು.

ಕಮಲ್ ಸ್ಟೀಲ್ ಪ್ರಾಡಕ್ಟ್ಸ್ ಲಿಮಿಟೆಡ್​ನ ಮಾಲೀಕ ಕಮಲ ಮೆಹ್ತಾ, ಮೋಹಿತ ಮೆಹ್ತಾ, ಜೆಎಸ್​ಡಬ್ಲ್ಯು ಸ್ಟೀಲ್ ಲಿಮಿಟೆಡ್​ನ ಇರ್ಷಾದ ಅಲಿಖಾನ್, ಸಂಜಯ ಅಲಮೇಲಕರ ಇದ್ದರು.