ಕಾಂಗ್ರೆಸ್ ಸದಸ್ಯ ರಾಮೋಜಿ ಗೌಡ, ವಿಧಾನ ಪರಿಷತ್ನಲ್ಲಿ ‘ವಿಜಯವಾಣಿ’ಯಲ್ಲಿ ಜೂ.18ರಂದು ಪ್ರಕಟವಾಗಿದ್ದ ‘ಉದ್ಯೋಗ ಕಾರ್ಡ್ಗೆ ಬೆಂಗಳೂರೇ ಗತಿ’ ವರದಿ ಪ್ರಸ್ತಾಪಿಸಿದರು. ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ವಿದ್ಯಾರ್ಥಿಗಳು, ಉದ್ಯೋಗ ಹುಡುಕುತ್ತಿರುವ ಉದ್ಯೋಗ ಆಕಾಂಕ್ಷಿಗಳು ಜಾಬ್ ಕಾರ್ಡ್ ಮಾಡಿಸಲು ಬೆಂಗಳೂರಿಗೆ ಹೋಗಬೇಕಾಗಿದೆ. ಬೆಂಗಳೂರು ಗ್ರಾಮಾಂತರ ಜಿಲ್ಲೆಯಲ್ಲಿ ಜಿಲ್ಲಾಡಳಿತ ಭವನ ನಿರ್ಮಾಣಗೊಂಡಿದ್ದು, 8 ವರ್ಷಗಳಿಂದ ಜಾರ್ಬ್ಕಾರ್ಡ್ ಕೇಂದ್ರ ಉದ್ಘಾಟನೆ ಆಗಿಲ್ಲ. ಆದರಿಂದ ಬೆಂಗಳೂರು ನಗರದಲ್ಲಿ ಇರುವ ಉದ್ಯೋಗ ವಿನಿಮಯ ಕೇಂದ್ರಕ್ಕೆ ಉದ್ಯೋಗ ಆಕಾಂಕ್ಷಿಗಳು ಮತ್ತು ಪದವಿ ವಿದ್ಯಾರ್ಥಿಗಳು ಹೋಗಬೇಕಾಗಿದೆ. ಜಿಲ್ಲೆಯ ಕೈಗಾರಿಕಾ ವಲಯದಲ್ಲಿ ಸಾಕಷ್ಟು ಉದ್ಯೋಗ ಇದ್ದರೂ ಸೇರಲು ಪರದಾಟ ಅನುಭವಿಸಬೇಕಾಗಿದೆ. ಆದರಿಂದ ಇದಕ್ಕೆ ಸರ್ಕಾರ ಪರಿಹಾರ ಒದಗಿಸಬೇಕೆಂದು ಸರ್ಕಾರಕ್ಕೆ ರಾಮೋಜಿ ಗೌಡ ಒತ್ತಾಯಿಸಿದ್ದಾರೆ.
