ಜೆಡಿಎಸ್ನಿಂದ ಮತ್ತೆ ಪ್ರವಾಸ ಭಾಗ್ಯ
ಜೆಡಿಎಸ್ನಿಂದ ಧರ್ಮಸ್ಥಳ ಸೇರಿ ಮತ್ತಿತರ ಪುಣ್ಯಕ್ಷೇತ್ರಗಳಿಗೆ ಮತ್ತೆ ಪ್ರವಾಸ ಭಾಗ್ಯ ಕಲ್ಪಿಸಿದ್ದು, ಸೊಮವಾರ ರಾತ್ರಿ ಬಸ್ನಲ್ಲಿದ್ದ ಮುಖಂಡರು ಮತ್ತು ಮತದಾರರಿಗೆ ಶಾಸಕರು ಶುಭ ಕೋರಿರುವ ವಿಡಿಯೋ ವೈರಲ್ ಆಗಿದೆ. ಇತ್ತೀಚೆಗಷ್ಟೇ ಕಸಬಾ ವ್ಯಾಪ್ತಿಯ ಜೆಡಿಎಸ್ಮುಖಂಡರೊಬ್ಬರು ಪ್ರವಾಸ ಹೊರಟಿರುವ ತಂಡದ ಬಸ್ನಲ್ಲಿ ಶಾಸಕರು ಹಣ ಕಳುಹಿಸಿದ್ದು ಕಾಫಿ, ತಿಂಡಿ ಖರ್ಚಿಗೆ ಬಳಸಿಕೊಳ್ಳಿ. ಯಾರಾದರೂ ಕೇಳಿದರೆ ನಮ್ಮ ಸ್ವಂತ ಖರ್ಚಿನಲ್ಲಿ ಹೋಗಿ ಬರುತ್ತಿದ್ದೇವೆ ಎಂದು ಹೇಳಿ ಎಂದು ಮಾತನಾಡಿರುವುದನ್ನು, ಜತೆಯಲ್ಲಿ ಪ್ರವಾಸ ಹೊರಟಿರುವವರೇ ವೀಡಿಯೋ ಮಾಡಿ ಹರಿ ಬಿಟ್ಟಿದ್ದು, ಸಾಮಾಜಿಕ ಜಾಲ ತಾಣದಲ್ಲಿ ವೈರಲ್ ಆಗಿತ್ತು. ಇದರ ಬೆನ್ನಲ್ಲೇ ಶಾಸಕ ಎಂ.ವಿ.ವೀರಭದ್ರಯ್ಯನವರೇ ಸ್ವತಃ ಬಸ್ ಏರಿ ಪುಣ್ಯಕ್ಷೇತ್ರಗಳಿಗೆ ಪ್ರವಾಸಕ್ಕೆ ತೆರಳುತ್ತಿದ್ದ ಮತದಾರರಿಗೆ ಶುಭ ಕೋರಿರುವುದು ವ್ಯಾಪಕ ಟೀಕೆಗೆ ಗುರಿಯಾಗಿದೆ.
