ರಥಯಾತ್ರೆಯ ವಿವರವುಳ್ಳ ಕರಪತ್ರ ಬಿಡುಗಡೆ ಮಾಡಿ ಮಾತನಾಡಿದ ಜೆಡಿಎಸ್ ತಾಲೂಕು ಅಧ್ಯಕ್ಷ ಎ.ಎನ್.ಜಾನಕೀರಾಂ, ಡಿಸೆಂಬರ್ 25ರಂದು ಬೆಳಗ್ಗೆ ತಾಲೂಕಿನ ಅಶೋಕನಗರಕ್ಕೆ ರಥ ಆಗಮಿಸಿದ ನಂತರ ಬೂಕನಕೆರೆ, ನಾಟನಹಳ್ಳಿ, ಬಳ್ಳೇಕೆರೆ, ನಾರ್ಗೋನಹಳ್ಳಿ, ಚೌಡೇನಹಳ್ಳಿ, ಹೊಸಹೊಳಲು ಮಾರ್ಗವಾಗಿ ಮಧ್ಯಾಹ್ನ 1.30ಕ್ಕೆ ಕೆ.ಆರ್.ಪೇಟೆ ಪಟ್ಟಣಕ್ಕೆ ಆಗಮಿಸಲಿದೆ. ಬಳಿಕ ಪಟ್ಟಣದಲ್ಲಿ ಬಹಿರಂಗ ಸಭೆ ನಡೆಯಲಿದೆ. ಚಿಕ್ಕಹೊಸಹಳ್ಳಿ, ಹರಿರಾಯನಹಳ್ಳಿ, ಚಿಲ್ಲದಹಳ್ಳಿ, ಅಗ್ರಹಾರಬಾಚಹಳ್ಳಿ, ವಳಗೆರೆ ಮೆಣಸ, ಶೆಟ್ಟಿನಾಯಕನಕೊಪ್ಪಲು, ಕೈಗೋನಹಳ್ಳಿ, ಸಾರಂಗಿ, ಜಾಗಿನಕೆರೆ, ಕೊಟಗಳ್ಳಿ, ಸಂತೇಬಾಚಹಳ್ಳಿ ಕ್ರಾಸ್ ಮೂಲಕ ರಾತ್ರಿ 9.30ಕ್ಕೆ ಸಂತೇಬಾಚಹಳ್ಳಿ ಗ್ರಾಮ ತಲುಪಲಿದೆ. ಸಂತೇಬಾಚಹಳ್ಳಿಯಲ್ಲಿ ಮಾಜಿ ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಗ್ರಾಮಸ್ಥರೊಂದಿಗೆ ಮುಕ್ತ ಸಂವಾದ ನಡೆಸಿ ವಾಸ್ತವ್ಯ ಹೂಡಲಿದ್ದಾರೆಂದು ತಿಳಿಸಿದರು.
