ಇದೀಗ ಹೊಸ ಸಚಿವರು ಜಪಾನ್ ಮೇಡ್ ಇಂಜಿನ್ ಕಾರನ್ನು ಹುಡುಕಿದ ಪ್ರಸಂಗವೊಂದು ನಡೆದಿದೆ. ಮೈತ್ರಿ ಸರ್ಕಾರದ ಪತನದ ವೇಳೆ ನಡೆದ ಹೈಡ್ರಾಮದಲ್ಲಿ ಹೃದಯ ಬೇನೆ ಎಂದು ಆಸ್ಪತ್ರೆ ಸೇರಿ ಸುದ್ದಿಯಾಗಿದ್ದ ಕಾಗವಾಡ ಕ್ಷೇತ್ರದ ‘ಅರ್ಹ’ ಶಾಸಕ, ಜವಳಿ ಸಚಿವರೂ ಆದ ಶ್ರೀಮಂತ ಪಾಟೀಲ್ ಅವರಿಗೆ ‘ಜಪಾನ್ ಮೇಡ್’ ಇಂಜಿನ್ ಮೇಲೆ ಅದೇನೋ ಸ್ಪೆಷಲ್ ಲವ್! ಸಚಿವ ಸ್ಥಾನ ಅಲಂಕರಿಸಿದ ಬಳಿಕ ಸರ್ಕಾರ ಅವರಿಗೆ ಓಡಾಡಲು ಇನ್ನೋವಾ ಕಾರು ನೀಡಿತ್ತು. 2015ನೇ ಮಾಡೆಲ್ ನ ಕೆಎ 51 ಜಿ 9333 ನಂಬರ್ ನ ಇಂಡಿಯನ್ ಮೇಡ್ ಎಂಜಿನ್ ಹೊಂದಿದ ಇನ್ನೋವಾ ಹಂಚಿಕೆ ಮಾಡಲಾಗಿತ್ತು. ಆದರೆ, ಸಚಿವರಿಗೆ ಅದೇಕೋ ಈ ಇಂಡಿಯನ್ ಮೇಡ್ ಇಂಜಿನ್ ಇಷ್ಟವಾಗಲಿಲ್ಲ. ಜಪಾನ್ ಮೇಡ್ ಇಂಜಿನ್ ಕಾರೇ ಬೇಕೆಂದು ಹುಡುಕಾಟ ನಡೆಸಿದರು. ಸಚಿವರ ಅಪೇಕ್ಷೆಯಂತೆ ಅಧಿಕಾರಿಗಳಿಗೆ ಕೊನೆಗೂ 2013ರ ಮಾಡೆಲ್ನ ಜಪಾನ್ ಮೇಡ್ ಇನ್ನೋವಾ ಕಾರು ಸಿಕ್ಕಿದೆ.
