ಐಎಎಸ್ ಅಧಿಕಾರಿಯಾಗಿದ್ದ ನಾಡೋಜ ಎಚ್.ಎಲ್.ನಾಗೇಗೌಡರ ಕನಸಿನ ಲವಾಗಿ ಹುಟ್ಟಿಕೊಂಡ ಜಾನಪದ ಲೋಕ, ಈಗ ನಾಡಿನ ಜಾನಪದ ಕಾಶಿಯಂತಾಗಿದೆ. ನಾಗೇಗೌಡರು, ಸರ್ಕಾರ ನೀಡಿದ ಕುರುಚಲು ಕಾಡಿನ ಜಾಗದಲ್ಲಿಯೇ ನೆಟ್ಟು ನೀರೆರದ ಜಾನಪದ ಎನ್ನುವ ಗಿಡವೊಂದು ಹೆಮ್ಮರವಾಗಿ ಬೆಳೆದು ಬೆಳ್ಳಿ ಹಬ್ಬದ ಸಂಭ್ರಮ ಆಚರಿಸಿಕೊಂಡಿದೆ. ಜಾನಪದ ಎಂದರೆ ಹಳ್ಳಿಗೆ ಸೀಮಿತವಾಗಿದ್ದ ಕಾಲವದು. ಐಎಎಸ್ ಅಧಿಕಾರಿಯಾಗಿ ನಾಡು ಸುತ್ತಿದ್ದ ನಾಗೇಗೌಡರು ಜಾನಪದವನ್ನು ಉಳಿಸಿ, ಬೆಳೆಸಿ ಎಲ್ಲೆಡೆ ಪಸರಿಸುವ ಕನಸು ಕಂಡರು. ನಾಡಿನ ಉದ್ದಗಲಕ್ಕೂ ಸುತ್ತಿ ಸಾವಿರಾರು ಕಲಾವಿದರು, ಕಲೆಯ ಮಾಹಿತಿ ಕಲೆ ಹಾಕಿದರು. ಇದರೊಟ್ಟಿಗೆ ಯಾರಿಗೂ ಬೇಡವಾಗಿ ಮಣ್ಣಾಗುತ್ತಿದ್ದ ಜನಪದರು ದಿನನಿತ್ಯ ಬಳಕೆ ಮಾಡುತ್ತಿದ್ದ ವಸ್ತುಗಳನ್ನು ಸಂಗ್ರಹಿಸಿದರು. 1994ರಲ್ಲಿ ಲೋಕಾರ್ಪಣೆಗೊಂಡ ಜಾನಪದ ಲೋಕ, 15 ಎಕರೆ ವಿಸ್ತಾರವಾದ ಸುಂದರ ಲೋಕವಾಗಿದೆ. ಇಲ್ಲಿ ಬೀದರ್ನಿಂದ ಚಾಮರಾಜನಗರವರೆಗೆ, ಕಾರವಾರದಿಂದ&ರಾಯಚೂರುವರೆಗೆ ರಾಜ್ಯದ ನಾಲ್ಕೂ ದಿಕ್ಕುಗಳಿಂದ, ಮಲೆನಾಡು, ಬಯಲು ಸೀಮೆ, ಅರೆ ಮಲೆನಾಡುಗಳಿಂದ ಹೆಕ್ಕಿ ತೆಗೆದ ಜನಪದರು ಬಳಕೆ ಮಾಡುತ್ತಿದ್ದ ವಸ್ತುಗಳ ಸಾಲು ಸಾಲು ಜಾನಪದ ಲೋಕದ ಸಿರಿವಂತಿಕೆಯನ್ನು ಹೆಚ್ಚಿಸಿದೆ.
