ಒಟ್ಟು 8325 ಜನಸಂಖ್ಯೆ ಹೊಂದಿರುವ ಮಸಳಿ ಬಿಕೆ ಗ್ರಾಮದಲ್ಲಿ ಒಂದು ಜನವಸತಿ ಒಳಗೊಂಡು ಯೋಜನೆ ರೂಪಿಸಲಾಗಿತ್ತು. ಗೊಲ್ಲರ ಓಣಿ, ಹೊಸೂರು, ಸಂಗೋಗಿ ಕೆರೆ, ಗೊರನಾಳದ ಬಹುಹಳ್ಳಿ ಕುಡಿಯುವ ನೀರಿನ ಯೋಜನೆ ಸೇರಿದಂತೆ 12 ಕಡೆ ಜಲ ಮೂಲಗಳನ್ನು ಗುರುತಿಸಿ ಆರಂಭದಲ್ಲಿ 1665 ಮನೆಗಳಿಗೆ ನಲ್ಲಿ ಸಂಪರ್ಕ ಕಲ್ಪಿಸುವ ಯೋಜನೆ ರೂಪಿಸಲಾಗಿತ್ತು. ಇದೀಗ 2025 ಆ.17ರವರೆಗಿನ ಮಾಹಿತಿ ಪ್ರಕಾರ 254 ಟ್ಯಾಪ್ ಸಂಪರ್ಕಗಳನ್ನು ಕಲ್ಪಿಸಲಾಗಿದ್ದು, 1411 ಮನೆಗಳು ಬಾಕಿ ಇವೆ ಎಂದು ತಂತ್ರಾಂಶ ಹೇಳುತ್ತಿದ್ದರೆ ಅಧಿಕಾರಿಗಳು ಮಾತ್ರ ಯಾವುದೇ ಮಾಹಿತಿ ಬಿಟ್ಟುಕೊಡದಿರುವುದು ಒಂದು ಭಾಗವಾದರೆ ಗ್ರಾಮ ಪಂಚಾಯಿತಿ ಸದಸ್ಯರ ಗಮನಕ್ಕೂ ಬಾರದಂತೆ ಮುಗುಮ್ಮಾಗಿ ಕಾಮಗಾರಿ ಹಸ್ತಾಂತರಿಸಿಕೊಂಡಿರುವುದರ ಹಿಂದೆ ಹಗರಣ ಮತ್ತು ಭ್ರಷ್ಟಾಚಾರ ಎದ್ದು ಕಾಣುತ್ತಿದೆ.
