ಹಣದ ವ್ಯವಹಾರ ಏನೇ ಇದ್ದರೂ ಕೆಲವರ ಮಧ್ಯಸ್ಥಿಕೆ ಮೂಲಕ ಅದನ್ನು ಬಗೆ ಹರಿಸಿಕೊಳ್ಳಬಹುದಿತ್ತು. ಆದರೆ ಕೊಲೆ ಮಾಡುವ ಹಂತಕ್ಕೆ ಬಂದದ್ದು ಮಹಾಪಾಪದ ಕೃತ್ಯ. ಅನ್ಯಮತೀಯರು ಇದರಲ್ಲಿ ಭಾಗಿಯಾಗಿದ್ದು ಇದರ ಹಿಂದೆ ಮತ್ಯಾವುದೋ ಕುತಂತ್ರ ಇರಬಹುದೆಂಬ ಸಂಶಯಕ್ಕೆ ಎಡೆಮಾಡಿಕೊಡುತ್ತದೆ. ಸರ್ಕಾರ ಇದನ್ನು ನಿಷ್ಪಕ್ಷಪಾತವಾಗಿ ಸಂಪೂರ್ಣ ವಿಚಾರಣೆಗೊಳಪಡಿಸಿ ಸಂಬಂಧಪಟ್ಟವರನ್ನೆಲ್ಲ ಬಂಧಿಸಿ ಕಠಿಣ ಶಿಕ್ಷೆ ನೀಡಬೇಕೆಂದು ಸರ್ಕಾರವನ್ನು ಆಗ್ರಹಿಸುತ್ತೇವೆ. ಶಾಂತಿ ಸಹನೆಗೆ ವಿಶ್ವದ ತುಂಬೆಲ್ಲ ಹೆಸರಾದ ಭಾರತ ದೇಶದಲ್ಲಿಯೇ, ಅಂಹಿಸಾ ಪ್ರತಿಪಾದಕ ಸಂನ್ಯಾಸಿಗಳಿಗೆ ಈ ಪರಿಸ್ಥಿತಿಯಾದರೆ, ಸಂತರು, ಸಂನ್ಯಾಸಿಗಳು, ತಪಸ್ವಿಗಳು ಎಲ್ಲಿ ಸುರಕ್ಷಿತರಾಗಿರಲು ಸಾಧ್ಯ! ಎಂಬ ಆತಂಕ ಸಂತರ ಮನಸ್ಸಿನಲ್ಲಿ ಸಹಜವಾಗಿ ಒಡಮೂಡುತ್ತದೆ. ಇಂತಹ ಘಟನೆಗಳು ಭಾರತದಲ್ಲಿ ಎಲ್ಲಿಯೂ ಮತ್ತೆ ನಡೆಯದಂತೆ ಸಂತರನ್ನು ಸಂರಕ್ಷಿಸುವ ಜವಾಬ್ದಾರಿಯನ್ನು ಸರ್ಕಾರ ಕಟ್ಟುನಿಟ್ಟಾಗಿ ಪರಿಪಾಲಿಸಬೇಕೆಂದು ಒತ್ತಾಯಿಸಿದ್ದಾರೆ.
