ಕೃಷಿ ಅಧಿಕಾರಿಯಿಂದ ಏಳು ಪಂಚಾಯಿತಿಗೆ ಸಂಬಂಧಿಸಿದ ಕೃಷಿ ಮಾಹಿತಿ ಪಡೆದ ಶಾಸಕರು, ಮುಂಗಾರು ಆರಂಭದಿಂದ ಕೃಷಿ ಚಟುವಟಿಕೆಗೆ ಚಾಲನೆ ದೊರೆತಿದ್ದು, ರೈತರಿಗೆ ಬೇಕಾದ ಬೀಜ, ಗೊಬ್ಬರ, ಔಷಧಿಗಳನ್ನು ಸಮರ್ಪಕವಾಗಿ ಪೂರೈಕೆ ಮಾಡಿ ಎಂದು ಕೃಷಿ ಅಧಿಕಾರಿ ಗೊಂದಿ ಮಂಜುನಾಥಗೆ ಸೂಚಿಸಿದರು.
ಈಗಾಗಲೇ ಶಾಲೆ-ಕಾಲೇಜು ಆರಂಭವಾಗಿದ್ದು. ಶೌಚಗೃಹ, ಕುಡಿಯುವ ನೀರು, ಮೂಲಸೌಕರ್ಯ, ಕೊಠಡಿಗಳ ದುರಸ್ತಿ ಬಗ್ಗೆ ಎಚ್ಚರಿಕೆ ವಹಿಸಬೇಕು. ದುರಸ್ತಿ ಕಾರ್ಯಗಳಿದ್ದಲ್ಲಿ ಗ್ರಾಪಂ ಪಿಡಿಒಗಳು, ತಾಪಂ ಇಒ ಗಮನಕ್ಕೆ ತಂದು ಕಾಮಗಾರಿಗೆ ಕ್ರಮ ಕೈಗೊಳ್ಳಿ. ಖಾಲಿ ಇರುವ ಅತಿಥಿ ಶಿಕ್ಷಕರ ಹುದ್ದೆಗಳ ನೇಮಕಾತಿಯಲ್ಲಿ ತಾರತಮ್ಯವಿಲ್ಲದೆ ಜೇಷ್ಠತೆ ಆಧಾರದ ಮೇಲೆ ನೇಮಕ ಮಾಡಿ ಎಂದು ಬಿಇಒ ಬಸವರಾಜಪ್ಪಗೆ ಸೂಚಿಸಿದರು.
ಅರಸೀಕೆರೆ ಭಾಗದಲ್ಲಿ ವಿಮುಕ್ತ ದೇವದಾಸಿ ಮಹಿಳೆಯರು ಹೆಚ್ಚಿದ್ದು, ಅವರಿಗೆ ಭೂಮಿ ಸೇರಿ ಮೂಲಸೌಕರ್ಯ ಒದಗಿಸಿ ಹಾಗೂ ವಸತಿ ನಿಲಯಗಳಲ್ಲಿ ಅಹಿತಕರ ಘಟನೆ ಜರುಗದಂತೆ ನಿಲಯ ಮೇಲ್ವಿಚಾರಕರು, ಅಧಿಕಾರಿಗಳು ಎಚ್ಚರಿಕೆ ವಹಿಸಿ, ಮೂಲ ಸೌಕರ್ಯ ಒದಗಿಸುವಂತೆ ಸಮಾಜ ಕಲ್ಯಾಣ ಇಲಾಖೆ ಸಹಾಯಕ ನಿರ್ದೇಶಕಿ ರೇಣುಕಾದೇವಿಗೆ ಮನವಿ ಮಾಡಿದರು.
