ಜಗಜ್ಯೋತಿ ಬಸವೇಶ್ವರ ವಿದ್ಯಾರ್ಥಿಗಳಿಂದ ಅಥ್ಲೆಟಿಕ್​ ಕ್ರೀಡಾಕೂಟದಲ್ಲಿ ಸಾಧನೆ

ವಿಜಯಪುರ : ಸ್ಥಳಿಯ ಜಗಜ್ಯೋತಿ ಬಸವೇಶ್ವರ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿಗಳು ತಾಲೂಕು ಮಟ್ಟದ ಅಥ್ಲೆಟಿಕ್​ ಕ್ರೀಡಾಕೂಟದಲ್ಲಿ ಅಮೋ ಸಾಧನೆಗೈದಿದ್ದಾರೆ.ನಗರದ ಡಾ. ಬಿ.ಆರ್​. ಅಂಬೇಡ್ಕರ್​ ಕ್ರೀಡಾಂಗಣದಲ್ಲಿ ಗುರುವಾರ ನಡೆದ ವಿವಿಧ ಕ್ರೀಡಾಕೂಟದಲ್ಲಿ ವಿದ್ಯಾರ್ಥಿ ರೋಹನ್​ ರಾಠೋಡ 100 ಮೀ. ಓಟ, 110 ಅಡೆತಡೆ ಓಟ ಹಾಗೂ 400 ಅಡೆತಡೆ ಓಟದಲ್ಲಿ ಪ್ರಥಮ ಸ್ಥಾನ, ನಾಗರಾಜ್​ ವಡ್ಡರ 200 ಮೀ. ಓಟ, 400 ಮೀ. ಓಟ ಹಾಗೂ 800 ಮೀ. ಓಟದಲ್ಲಿ ಪ್ರಥಮ ಸ್ಥಾನ, ಜಿಯಾನ್​ ಜಮಾದಾರ್​ 100 ಮೀ. ಓಟ, 200 ಮೀ. ಓಟದಲ್ಲಿ ಹಾಗೂ 400 ಮೀ. ಓಟದಲ್ಲಿ ಪ್ರಥಮ ಸ್ಥಾನ, ಮೊಹಮ್ಮದ್​ ಅನಸ್​ ಹೈಜೆಂಪ್​ನಲ್ಲಿ ದ್ವೀತಿಯ, ಶಂಕರಗೌಡ ಬಿರಾದರ್​ ಪೋಲ್ವಾಟ್​ದಲ್ಲಿ ದ್ವೀತಿಯ, ರಮ್ಯ ಕದಂ 400 ಮೀ. ಓಟದಲ್ಲಿ, 110 ಅಡೆತಡೆ ಓಟದಲ್ಲಿ ಹಾಗೂ 400 ಮೀ. ಅಡೆತಡೆ ಓಟದಲ್ಲಿ ಪ್ರಥಮ ಸ್ಥಾನ ಪಡೆದಿದ್ದಾರೆ.

ವಿದ್ಯಾರ್ಥಿನಿ ಐಶ್ವರ್ಯ ಎಳೆಮೇಲಿ 800 ಮೀ. ಓಟದಲ್ಲಿ, 4*100 ರಿಲೇ ಹಾಗೂ 4*400 ರಿಲೇ ಪ್ರಥಮ ಸ್ಥಾನ ಪಡೆದಿದ್ದಾರೆ. ಅಲ್ಲದೆ, ರಮ್ಯ ಕದಂ,ರೋಹನ್​ ರಾಠೋಡ ಹಾಗೂ ನಾಗರಾಜ್​ ವಡ್ಡರ ವೀರಾಗ್ರಣಿ ಪ್ರಶಸ್ತಿ ಪಡೆದುಕೊಂಡಿದ್ದಾರೆ.ಸಂಸ್ಥೆಗೆ ಒಟ್ಟು 25 ಮೆಡಲ್​ ತರುವ ಮೂಲಕ ಸಾಧನೆಗೈದ ವಿದ್ಯಾರ್ಥಿಗಳಿಗೆ ಸಂಸ್ಥೆಯ ಅಧ್ಯಕ್ಷ ಎಲ್​.ಬಿ. ಪಾಟೀಲ ಅಭಿನಂದನೆ ಸಲ್ಲಿಸಿದ್ದಾರೆ.

ತಾಲೂಕು ಮಟ್ಟದ ಅಥ್ಲೆಟಿಕ್​ ಕ್ರೀಡಾಕೂಟದಲ್ಲಿ ಅಮೋ ಸಾಧನೆಗೈದ ವಿಜಯಪುರದ ಜಗಜ್ಯೋತಿ ಬಸವೇಶ್ವರ ಪ.ಪೂ. ಕಾಲೇಜಿನ ವಿದ್ಯಾರ್ಥಿಗಳೊಂದಿಗೆ ಕಾಲೇಜಿನ ಸಿಬ್ಬಂದಿಗಳಿದ್ದಾರೆ.