ವಿಶೇಷ ಉಪನ್ಯಾಸ ನೀಡಿದ ಪ್ರಾಧ್ಯಾಪಕಿ ಡಾ.ಕೆ.ವಿ.ಅನಸೂಯಾ ಮಾತನಾಡಿ, ಆಧ್ಯಯನ, ಅಧ್ಯಾಪನ ಹಾಗೂ ಮೌಲ್ಯಮಾಪನ ಶಿಕ್ಷಕರ ಮೂಲ ಕೆಲಸ, ಇದಕ್ಕೆ ಬದಲಿ ಕೆಲಸ ಮಾಡುವವರು ಇಲ್ಲ, ಶಿಕ್ಷಕರ ಮೂಲ ಕೆಲಸದಲ್ಲಿ ಅಲ್ಪಸ್ವಲ್ಪ ಬದಲಾವಣೆಯಾದರೂ ಸಾಕಷ್ಟು ದುಷ್ಪರಿಣಾಮ ಉಂಟಾಗಲಿದೆ, ಇದರ ಎಚ್ಚರಿಕೆ ಎಲ್ಲರಿಗೂ ಇರಬೇಕು ಎಂದರು. ತರಬೇತಿ ಪಡೆದಾಕ್ಷಣ ಶಿಕ್ಷಕರಾಗಲು ಸಾಧ್ಯವಿಲ್ಲ, ಕಲಿಕೆಯ ಪ್ರಕ್ರಿಯೆಯಲ್ಲಿ ಬದಲಾವಣೆ ತಂದರಷ್ಟೇ ಶಿಕ್ಷಕರೆನ್ನಿಸಿಕೊಳ್ಳುತ್ತಾರೆ, ಶಿಷ್ಯನಿಗೆ ಗುರು ಗುರುವಾದರೆ ಶಿಕ್ಷಕನಿಗೆ ಅಧ್ಯಯನ ಗುರುವಾಗಲಿದೆ, ಅಧ್ಯಯನ ವಿಲ್ಲದವರು ಶಿಕ್ಷಕರಾಗಲು ಸಾಧ್ಯವಿಲ್ಲ ಎಂದು ಹೇಳಿದರು. ಕಾಲೇಜಿನಲ್ಲಿ ಭಾಷಾ ಕಲಿಕೆ ಕಷ್ಟವಾಗಲಿದೆ, ಪ್ರಾಥಮಿಕ ಶಾಲೆಯಲ್ಲಿಯೇ ಮಕ್ಕಳಿಗೆ ಕಲಿಕೆ ಧನಾತ್ಮಕವಾಗಬೇಕು, ಭಾಷೆಯ ಮಹತ್ವದ ಬಗ್ಗೆ ಮಕ್ಕಳಿಗೆ ತಿಳಿಹೇಳಬೇಕು, ಭಾಷೆಯ ಕಲಿಕೆಯಲ್ಲಿ ಅಸಡ್ಡೆಗೆ ಪ್ರಚೋದನೆ ಜಾಸ್ತಿಯಿದೆ, ಭಾಷೆಯ ಕಲಿಕೆಯಲ್ಲಿ ಹಿಂದುಳಿದವರ ಆಲೋಚನೆಗಳು ಉದಾತ್ಥವಾಗಿರಲು ಸಾಧ್ಯವಿಲ್ಲ ಎಂದರು.
