ಕೋವಿಡ್ ಸಾಂಕ್ರಾಮಿಕ ಕಾಣಿಸಿಕೊಂಡ ಮೇಲೆ ಇಡೀ ಜಗತ್ತಿಗೆ ಆಯುರ್ವೇದ ಮಹತ್ವ ಹೆಚ್ಚಾಗಿ ಅರಿವಾಯಿತು. ಆದರೆ, ಹಣ ಮಾಡಲು ಸಾಧ್ಯವಿಲ್ಲ ಎಂಬ ಕಾರಣದಿಂದಾಗಿಯೇ ಆಯುರ್ವೇದ ಕಲಿತ ಬಹಳಷ್ಟು ಮಂದಿ ಅದರ ಆಚರಣೆ ಕೈಬಿಡುತ್ತಿರುವುದು ಬೇಸರದ ಸಂಗತಿ ಎಂದರು.
ಇತರೆ ರಾಷ್ಟ್ರಗಳ ಶ್ರೀಮಂತಿಕೆಯನ್ನು ಹಣದ ಮೇಲೆ ಅಳೆದರೆ, ಭಾರತದ ಸಂದರ್ಭಕ್ಕೆ ಬಂದಾಗ ಸಂಸ್ಕೃತಿ, ಸಂಸ್ಕಾರ, ಯೋಗ, ಆಯುರ್ವೇದಗಳ ಮೇಲೆ ಇಲ್ಲಿನ ಶ್ರೀಮಂತಿಕೆ ಆಳೆಯುವುದು ಸಂತಸದ ಸಂಗತಿಯಾಗಿದೆ. ಈ ನಡುವೆ ಪತ್ರಕರ್ತರಿಗೂ ಒಂದು ಜೀವನವಿದೆ. ಸದಾ ಕೆಲಸದ ಒತ್ತಡದಲ್ಲಿಯೇ ಕಾರ್ಯ ನಿರ್ವಹಿಸುವ ಇವರಿಗೆ ಆರೋಗ್ಯದ ಕಡೆಗೆ ಗಮನ, ಸಮಯ ನೀಡಲು ಸಾಧ್ಯವಾಗದು. ಹೀಗಾಗಿ ಈ ಶಿಬಿರ ಆಯೋಜಿಸಿರುವುದು ಸ್ವಾಗತಾರ್ಹವಾಗಿದೆ ಎಂದರು.
ಇಂದು ನಾವು ತಿನ್ನುವುದೆಲ್ಲ ವಿಷವಾಗಿದೆ. ಹೀಗಾಗಿ ಕೇಂದ್ರ, ರಾಜ್ಯ ಸರ್ಕಾರಗಳು ರಾಸಾಯನಿಕ ಗೊಬ್ಬರದ ಬದಲು ಸಾವಯವ ಗೊಬ್ಬರ ಬಳಲು ರೈತರಿಗೆ ಉತ್ತೇಜನ ನೀಡಬೇಕು. ಆಹಾರಗಳಿಗೆ ಐಎಸ್ಐ ಮುದ್ರೆ ನೀಡುವ ಮೊದಲು ಪರಿಶೀಲಿಸಬೇಕು. ಜನರ ರಕ್ಷಣೆಗೆ ಸರ್ಕಾರಗಳು ಮುಂದಾಗಬೇಕು ಎಂದು ಒತ್ತಾಯಿಸಿದರು.
