ಬಿಪಿಎಲ್ ಕುಟುಂಬದ ಸದಸ್ಯ ಕೋವಿಡ್ಗೆ ಬಲಿಯಾಗಿದ್ದರೆ ಅಂಥ ಕುಟುಂಬಕ್ಕೆ ಸೌಲಭ್ಯ ನೀಡವುದಾಗಿ ಸಿಎಂ ತಿಳಿಸಿದ್ದಾರೆ. ಆದರೆ, ಕೋವಿಡ್ ಡೆತ್ ಪರಿಗಣನೆಯಲ್ಲಿ ಕೆಲ ಗೊಂದಲಗಳಿದ್ದು, ಕೆಲ ಕುಟುಂಬಗಳಿಗೆ ಪರಿಹಾರ ಪಡೆಯುವಲ್ಲಿ ತೊಡಕುಂಟು ಮಾಡುವಂತಿದೆ. ರೂಪಾಂತರಗೊಂಡ ವೈರಸ್ ರ್ಯಾಪಿಡ್ ಆ್ಯಂಟಿಜೆನ್ ಟೆಸ್ಟ್ ಹಾಗೂ ಆರ್ಟಿಪಿಸಿಆರ್ನಲ್ಲೂ ಕೆಲವೊಮ್ಮೆ ಪತ್ತೆಯಾಗಲಿಲ್ಲ. ಬಳಿಕ ಎಚ್ಆರ್ ಸಿಟಿ ಸ್ಕಾ$ನ್ ಮಾಡಿದಾಗ ಶ್ವಾಸಕೋಶಕ್ಕೆ ಹಾನಿ ಮಾಡುತ್ತಿರುವುದು ಬೆಳಕಿಗೆ ಬಂತು. ಸರ್ಕಾರವೂ ಪರೀೆಯಲ್ಲಿ ಕೋವಿಡ್ ದೃಢಪಡದಿದ್ದಲ್ಲಿ ಸ್ಕಾನ್ ವರದಿ ಆಧರಿಸಿ ಚಿಕಿತ್ಸೆ ನೀಡುವಂತೆ ಸೂಚಿಸಿದೆ. ಅದರಂತೆ ಚಿಕಿತ್ಸೆಯನ್ನೂ ನೀಡಲಾಗುತ್ತಿದೆ. ಆದರೆ, ಸ್ಕಾನ್ ವರದಿ ಆಧರಿಸಿ ಚಿಕಿತ್ಸೆ ಪಡೆದವರನ್ನು ಹಾಗೂ ಮೃತಪಟ್ಟವರನ್ನು ಕೋವಿಡ್ ರೋಗಿ ಅಥವಾ ಕೋವಿಡ್ ಡೆತ್ ಎಂದು ಪರಿಗಣಿಸುತ್ತಿಲ್ಲ. ಬದಲಿಗೆ ಕೋವಿಡ್ ಲೈಕ್ ಇಲ್ನೆಸ್ (ಕರೊನಾ ಮಾದರಿ ಕಾಯಿಲೆ) ಎಂದು ವೈದ್ಯರು ವ್ಯಾಖ್ಯಾನಿಸುತ್ತಿದ್ದಾರೆ.
