ಕೊಪ್ಪಳಕ್ಕೆ ತೆರಳುವ ಮುಖ್ಯರಸ್ತೆಯು ಇದಾಗಿದ್ದರಿಂದ ನಿತ್ಯ ಇಲ್ಲಿ ನೂರಾರು ವಾಹನಗಳು ಸಂಚರಿಸುತ್ತವೆ. ಈ ಭಾಗದಲ್ಲಿ ಹೆಚ್ಚಾಗಿ ಮನೆಗಳಿದ್ದು, ಸಾರ್ವಜನಿಕರ ಓಡಾಟ ತುಸು ಹೆಚ್ಚಿರುತ್ತದೆ. ವಿದ್ಯುತ್ ಪರಿವರ್ತಕ ಇರುವ ಭಾಗದಲ್ಲಿ ಮುಖ್ಯರಸ್ತೆಯು ಕಿರಿದಾಗಿದ್ದರಿಂದ ವಾಹನ ಸವಾರರಿಗೆ ಕಿರಿಕಿರಿ ಉಂಟಾಗುತ್ತಿದೆ. ಹಾಗೆಯೇ ಇಲ್ಲಿ ವ್ಯಾಪಾರದ ಮಳಿಗೆಗಳಿದ್ದು ಗ್ರಾಹಕರಿಗೂ ತೊಂದರೆಯಾಗುತ್ತದೆ. ಪಕ್ಕದಲ್ಲೇ ತೆಂಗಿನಗಿಡ ಗಿಡವಿದ್ದು, ಅದರ ಗರಿಗಳು ತಂತಿಗೆ ತಾಗಿ ವಿದ್ಯುತ್ ಪರಿವರ್ತಕದಲ್ಲಿ ಆಗಾಗ ಬೆಂಕಿ ಕಿಡಿ ಹಾರುತ್ತದೆ. ಒಟ್ಟಾರೆ ಇಲ್ಲಿನ ಜನರಿಗೆ ಭಯದ ವಾತಾವರಣವಿದೆ. ಸಂಬಂಧಪಟ್ಟ ಹೆಸ್ಕಾಂ ಇಲಾಖೆಯು ಸಾರ್ವಜನಿಕರಿಗೆ ತೊಂದರೆಯಾಗದಂತೆ ಮುನ್ನೆಚ್ಚರಿಕೆ ಕ್ರಮ ವಹಿಸುವುದು ಅಗತ್ಯವಿದೆ.
