ಹಾವು ರಕ್ಷಣೆಗೆ ಲೈಸನ್ಸ್: ಕರ್ನಾಟಕ ರಾಜ್ಯ ವನ್ಯಜೀವಿ ರಕ್ಷಣಾ ಪ್ರಾಧಿಕಾರ ಆನಂದ ಚಿಟ್ಟಿ, ಪತ್ನಿ ನೀರ್ಝರಾ ಚಿಟ್ಟಿಗೆ ಸಾರ್ವಜನಿಕ ಸ್ಥಳಗಳಲ್ಲಿ ಅಪಾಯಕ್ಕೆ ಸಿಲುಕಿರುವ ಹಾವು ರಕ್ಷಣೆಗೆ ಲೈಸೆನ್ಸ್ ಕೂಡ ನೀಡಿದೆ. ಆನಂದ ಚಿಟ್ಟಿ, ಪತ್ನಿ ನೀರ್ಝರಾ ಚಿಟ್ಟಿ ಹಾವು ಕಾಣಿಸಿಕೊಂಡಿದೆ ಎಂದು ಫೋನ್ ಬಂದರೆ ಸಾಕು, ಅದು ಎಲ್ಲಿಯೇ ಇರಲಿ, ಹಗಲು ರಾತ್ರಿಯೆನ್ನದೆ ಬೈಕ್ ಏರಿ ಹಾವು ಹಿಡಿಯೋಕೆ ಹೋಗುತ್ತಾರೆ. ಪತಿ ಜತೆಗಿರದಿದ್ದರೂ ಭಯವಿಲ್ಲದೆ ಹಾವುಗಳನ್ನು ಹಿಡಿಯುತ್ತಾರೆ. ಹಿಡಿದ ಹಾವುಗಳನ್ನು ಖಾನಾಪುರ ಸಮೀಪದ ಅರಣ್ಯ ಪ್ರದೇಶಕ್ಕೆ ಬಿಡುವುದು ಇವರ ನಿತ್ಯದ ಕಾಯಕವಾಗಿದೆ. ದಂಪತಿಗಳಿಬ್ಬರು ಈ ವರೆಗೆ ಹಾವುಗಳ ಬಗ್ಗೆ ಶಾಲೆ- ಕಾಲೇಜುಗಳಲ್ಲಿ 700ಕ್ಕೂ ಹೆಚ್ಚು ಉಪನ್ಯಾಸ ನೀಡಿದ್ದಾರೆ.
