ಹೆಸ್ಕಾಂ ಆನ್​ಲೈನ್ ಸೇವೆಯಲ್ಲಿ ವ್ಯತ್ಯಯ

ವಿಜಯವಾಣಿ ಸುದ್ದಿಜಾಲ ಹುಬ್ಬಳ್ಳಿ: ಮಾಹಿತಿ ತಂತ್ರಜ್ಞಾನ ವ್ಯವಸ್ಥೆಯ ಉನ್ನತೀಕರಣದ ನಿಮಿತ್ತ ಹೆಸ್ಕಾಂ ಆನ್​ಲೈನ್ ಸೇವೆಗಳಾದ ಹೊಸ ಸಂಪರ್ಕ, ಹೆಸರು ಮತ್ತು ಜಕಾತಿ ಬದಲಾವಣೆ ಇತ್ಯಾದಿ ಸೇವೆಗಳು ಅ. 4ರ ರಾತ್ರಿ 9ಗಂಟೆಯಿಂದ ಅ. 7ರ ಬೆಳಗ್ಗೆ 6ಗಂಟೆಯವರೆಗೆ ನಗರ ಪ್ರದೇಶದ ಗ್ರಾಹಕರಿಗೆ ಲಭ್ಯವಿರುವುದಿಲ್ಲ.

ಆನ್​ಲೈನ್ ವಿದ್ಯುತ್ ಬಿಲ್ ಪಾವತಿ ಸೇವೆಯು ಅ. 4ರ ರಾತ್ರಿ 9ಗಂಟೆಯಿಂದ ಅ. 5ರ ಬೆಳಗ್ಗೆ 11ಗಂಟೆಯವರೆಗೆ ಲಭ್ಯವಿರುವುದಿಲ್ಲ. ತದನಂತರ ಗ್ರಾಹಕರು ಆನ್​ಲೈನ್ ಮೂಲಕ ವಿದ್ಯುತ್ ಬಿಲಾ ಪಾವತಿ ಮಾಡಬಹುದಾಗಿದೆ.

ಅಥಣಿ, ಬಾಗಲಕೋಟ, ಬೈಲಹೊಂಗಲ, ಬೆಳಗಾವಿ, ಭಟ್ಕಳ, ಚಿಕ್ಕೋಡಿ, ದಾಂಡೇಲಿ, ಗದಗ, ಗೋಕಾಕ, ಗುಳೇದಗುಡ್ಡ, ಹಾವೇರಿ, ಹುಬ್ಬಳ್ಳಿ-ಧಾರವಾಡ, ಇಳಕಲ್, ಇಂಡಿ, ಜಮಖಂಡಿ, ಕಾರವಾರ, ಕುಮಟಾ, ಲಕ್ಷ್ಮೇಶ್ವರ, ಮಹಾಲಿಂಗಪೂರ, ಮುಧೋಳ, ನರಗುಂದ, ನಿಪ್ಪಾಣಿ, ರಬಕವಿ-ಬನಹಟ್ಟಿ, ರಾಮದುರ್ಗ, ರಾಣೆಬೆನ್ನೂರ, ಸವದತ್ತಿ, ಸವಣೂರ, ಶಿರಸಿ ಹಾಗೂ ವಿಜಯಪುರ ಪಟ್ಟಣದಲ್ಲಿ ಆನ್​ಲೈನ್ ಸೇವೆಯಲ್ಲಿ ವ್ಯತ್ಯವಾಗಲಿದೆ ಎಂದು ಹೆಸ್ಕಾಂ ತಿಳಿಸಿದೆ.

ಹೊಸ ತಂತ್ರಾಂಶವು ಉನ್ನತೀಕರಣಗೊಂಡು ಸ್ಥಿರವಾಗಿ ಕಾರ್ಯನಿರ್ವಹಣೆ ಮಾಡಲು 15 ದಿನಗಳ ಕಾಲಾವಕಾಶ ಬೇಕಿದ್ದು, ಈ ಅವಧಿಯಲ್ಲಿ ತಂತ್ರಾಂಶದ ಕಾರ್ಯಕ್ಷಮತೆಯಲ್ಲಿ ಸ್ವಲ್ಪ ಮಟ್ಟಿಗೆ ವ್ಯತ್ಯಯ ಉಂಟಾಗಬಹುದು. ಈ ನಿಟ್ಟಿನಲ್ಲಿ ಸಾರ್ವಜನಿಕರು ಸಹಕರಿಸಬೇಕೆಂದು ಕೋರಿದೆ.