ನಿವೃತ್ತ ಹಿರಿಯ ಶಿಕ್ಷಕ ಕೆ.ಎಚ್. ಆರಾಧ್ಯಮಠ ಅವರಿಗೆ ಬಿ.ಬಿ. ಪದಕಿ ಆದರ್ಶ ಶಿಕ್ಷಕ ಪುರಸ್ಕಾರ, ವೀರನಗೌಡ ಪಾಟೀಲ ಹಾಗೂ ಸೌಜನ್ಯ ಕುಲಕರ್ಣಿ ಅವರಿಗೆ ಅ.ನ. ಕುಂದಾಪುರ ಪ್ರತಿಭಾ ಪುರಸ್ಕಾರ ನೀಡಿ ಗೌರವಿಸಲಾಯಿತು. ಟ್ರಸ್ಟಿನ ಗೌರವಾಧ್ಯಕ್ಷ ಕೆ.ಎಲ್.ದೇಶಪಾಂಡೆ ಅಧ್ಯಕ್ಷತೆವಹಿಸಿದ್ದರು. ಶರಶ್ಚಂದ್ರ ದೇಸಾಯಿ, ಪ್ರಕಾಶ ಪದಕಿ, ವಿ.ಬಿ. ದೀಕ್ಷಿತ್, ಆರ್.ಸಿ. ದೇಸಾಯಿ, ಆನಂದ ಗಾಜಿಪುರ, ಶರಶ್ಚಂದ್ರ ದೇಸಾಯಿ ಉಪಸ್ಥಿತರಿದ್ದರು. ಸರಸ್ವತಿ ಸಂಗೀತ ಶಾಲೆಯ ಕಲಾವಿದ ನರಸಿಂಹ ಕೋಮಾರ ಹಾಗೂ ಕಲಾವಿದರು ಸಂಗೀತ ಕಾರ್ಯಕ್ರಮ ಪ್ರಸ್ತುತಪಡಿಸಿದರು. ಟ್ರಸ್ಟ್ ಕಾರ್ಯದರ್ಶಿ ಗಿರೀಶ ದೇಶಪಾಂಡೆ ಸ್ವಾಗತಿಸಿದರು. ಅಧ್ಯಕ್ಷ ಉದಯ ನಾಸಿಕ ಪ್ರಾಸ್ತಾವಿಕ ಮಾತನಾಡಿದರು. ಯಮುನಾ ಕೋಣೇಸರ ಕಾರ್ಯಕ್ರಮ ನಿರೂಪಿಸಿದರು. ಪ್ರಕಾಶ ಪದಕಿ ವಂದಿಸಿದರು.
