ಸಾರ್ವಜನಿಕರಿಗೆ ಇಂದಿರಾ ಕ್ಯಾಂಟೀನ್​ ವರದಾನ

ಆನೇಕಲ್​ ; ಅತ್ತಿಬೆಲೆಯಲ್ಲಿ ಇಂದಿರಾ ಕ್ಯಾಂಟೀನ್​ಗೆ ಸಾರಿಗೆ ಸಚಿವ ರಾಮಲಿಂಗಾರೆಡ್ಡಿ ಮತ್ತು ಶಾಸಕ ಬಿ.ಶಿವಣ್ಣ ಇತ್ತೀಚೆಗೆ ಚಾಲನೆ ನೀಡಿದರು.

ಇಂದಿರಾ ಕ್ಯಾಂಟೀನ್​ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಅಂಗವಿಕಲರಿಗೆ ತ್ರಿಚಕ್ರ ವಾಹನ ಹಾಗೂ ಪುರಸಭೆಯ ಸಿಬ್ಬಂದಿಗೆ ವಿಮೆಯ ಬಾಂಡ್​ಗಳನ್ನು ವಿತರಿಸಲಾಯಿತು. ಸಾರ್ವಜನಿಕರಿಗೆ ಬಿ&ಖಾತೆ ವಿತರಿಸಿ, ಶೌಚಗೃಹ ನಿರ್ಮಾಣಕ್ಕೆ ಅನುದಾನ ನೀಡಲಾಯಿತು.

ಸಚಿವ ರಾಮಲಿಂಗಾರೆಡ್ಡಿ ಮಾತನಾಡಿ, ಕಾಂಗ್ರೆಸ್​ ಬಡವರ ಪರವಾದ ಸರ್ಕಾರ. ಬಡವರು ಮತ್ತು ಆರ್ಥಿಕವಾಗಿ ಹಿಂದುಳಿದವರಿಗೆ ಇಂದಿರಾ ಕ್ಯಾಂಟೀನ್​ ವರದಾನವಾಗಿದೆ. ಹೊರಗಿನಿಂದ ಬಂದವರಿಗೆ, ಶಾಲಾ&ಕಾಲೇಜು ವಿದ್ಯಾರ್ಥಿಗಳಿಗೆ ಕ್ಯಾಂಟೀನ್​ನಲ್ಲಿ ಶುಚಿ ಮತ್ತು ರುಚಿಯಾದ ಆಹಾರ ನೀಡಲಾಗುತ್ತದೆ ಎಂದರು.

ಅತ್ತಿಬೆಯಿಂದ ಪ್ರತಿನಿತ್ಯ ಬೆಳಗ್ಗೆಯಿಂದ ರಾತ್ರಿವರೆಗೆ 3 ಸಾವಿರ ಬಸ್​ ಸಂಚರಿಸುತ್ತವೆ. ಆದರೆ ಸುಸಜ್ಜಿತ ಬಸ್​ ನಿಲ್ದಾಣವಿಲ್ಲ. ಬಸ್​ ನಿಲ್ದಾಣದ ಸಮಸ್ಯೆಯಿಂದಾಗಿ ಎಲ್ಲ ಬಸ್​ಗಳನ್ನು ರಸ್ತೆ ಬದಿಯಲ್ಲಿ ನಿಲ್ಲಿಸಬೇಕಾಗಿತ್ತು. ಸಾರ್ವಜನಿಕರಿಗೆ ತೊಂದರೆಯಾಗಿತ್ತು. ಈಗ ಕೆಎಸ್​ಆರ್​ಟಿಸಿ ಮತ್ತು ಪುರಸಭೆಯ ಜಾಗದಲ್ಲಿ ಸುಸಜ್ಜಿತ ಬಸ್​ ನಿಲ್ದಾಣ ನಿರ್ಮಿಸಲು ಕ್ರಮ ವಹಿಸಲಾಗುತ್ತಿದೆ. ಇದರಿಂದಾಗಿ ಅತ್ತಿಬೆಲೆ ಸಾರ್ವಜನಿಕರಿಗೆ ಹೆಚ್ಚು ಉಪಯುಕ್ತವಾಗಲಿದೆ. ಬಸ್​ ನಿಲ್ದಾಣದಲ್ಲಿ ಅಂಗಡಿಗಳನ್ನು ನಿರ್ಮಿಸಿ ಪುರಸಭೆಗೆ ಆದಾಯ ಬರುವಂತೆ ಮಾಡಲಾಗುವುದು. ಮುಂಬರುವ ದಿನಗಳಲ್ಲಿ ಸರ್ಜಾಪುರ ಬಸ್​ ನಿಲ್ದಾಣ ಮೇಲ್ದರ್ಜೇಗೇರಿಸಲು ಕ್ರಮ ಕೈಗೊಳ್ಳಲಾಗುವುದು ಎಂದು ಹೇಳಿದರು.

ಅಲ್ಲದೆ ಆನೇಕಲ್​ ತಾಲೂಕಿನ ಎಲ್ಲ ಪ್ರಮುಖ ಬಸ್​ ನಿಲ್ದಾಣಗಳನ್ನು ಅಭಿವೃದ್ಧಿ ಪಡಿಸಲು ಯೋಜನೆ ರೂಪಿಸಲಾಗುವುದು ಎಂದು ಸಚಿವರು ವಿವರಿಸಿದರು.

ಪರಿಸರ ಅಭಿಯಂತ ಯಾಸ್ಮೀನ್​ ಸುಲ್ತಾನ್​, ಹಿರಿಯ ಆರೋಗ್ಯ ನಿರೀಕಿ ಆರ್​.ಶುಭಾ, ವಿಜಯಪ್ಪ, ಹೇಮಂತ್​, ಮುಖಂಡರಾದ ದೊಡ್ಡಹಾಗಡೆ ಹರೀಶ್​, ವೇಣು, ಲಿಂಗಣ್ಣ, ಚಂದ್ರಪ್ಪ, ರುಪತಿರೆಡ್ಡಿ, ಮೋಹನ್​, ಗೋಪಾಲಕೃಷ್ಣ, ರವಿ, ಮಾಲಾ, ಜಯಲ್ಮಮ್ಮ, ಮುರಳಿ, ಸುರೇಶ್​, ಕಾಂತಲ್ಮಮ್ಮ, ಅಲ್ಲಾಬಕಾಶ್​, ರಮೇಶ್​, ರಾಜಲ್ಮಮ್ಮ, ಮಂಜುನಾಥ್​ ಇದ್ದರು.

ಶ್ರೀದಲ್ಲಿ ಹೆಬ್ಬಗೋಡಿ, ಚಂದಾಪುರದಲ್ಲೂ ಚಾಲನೆ

ಆನೇಕಲ್​ ವಿಧಾನಸಭಾ ೇತ್ರದ ಎಲ್ಲ ಪುರಸಭೆಗಳಲ್ಲಿಯೂ ಇಂದಿರಾ ಕ್ಯಾಂಟೀನ್​ ನಿರ್ಮಿಸಲು ಕ್ರಮ ಕೈಗೊಳ್ಳಲಾಗಿದೆ. ಆನೇಕಲ್​, ಬೊಮ್ಮಸಂದ್ರ, ಹೆಬ್ಬಗೋಡಿಯಲ್ಲಿ ಕ್ಯಾಂಟೀನ್​ ನಿರ್ಮಿಸಲಾಗಿದೆ. ಕೈಗಾರಿಕಾ ಪ್ರದೇಶವಾಗಿರುವ ಅತ್ತಿಬೆಲೆಯಲ್ಲಿ ಬಡವರಿಗೆ ಕ್ಯಾಂಟೀನ್​ನಿಂದ ಉಪಯುಕ್ತವಾಗಲಿದೆ. ಶ್ರೀದಲ್ಲಿ ಹೆಬ್ಬಗೋಡಿ, ಚಂದಾಪುರ ಪುರಸಭೆ ವ್ಯಾಪ್ತಿಯಲ್ಲಿಯೂ ಕ್ಯಾಂಟೀನ್​ ಉದ್ಘಾಟಿಸಲಾಗುವುದು. ಮುಂದಿನ ದಿನಗಳಲ್ಲಿ ಗ್ರಾಪಂಗಳಲ್ಲಿಯೂ ಇಂದಿರಾ ಕ್ಯಾಂಟಿನ್​ ನಿರ್ಮಿಸಲು ಆದ್ಯತೆ ನೀಡಲಾಗುವುದು ಎಂದು ಶಾಸಕ ಬಿ.ಶಿವಣ್ಣ ತಿಳಿಸಿದರು. ಮಲತ್ಯಾಜ್ಯ ನಿರ್ವಹಣಾ ಟಕ 4ಕೋಟಿ ರೂ. ವೆಚ್ಚದಲ್ಲಿ ಸ್ಥಾಪನೆ, 1.5ಕೋಟಿ ವೆಚ್ಚದಲ್ಲಿ ಕಸ ನಿರ್ವಹಣಾ ಮತ್ತು ವಿಂಗಡನಾ ಟಕದ ಕಾಮಗಾರಿ ಚಾಲನೆಯಲ್ಲಿದೆ. ರಸ್ತೆ ಅಭಿವೃದ್ಧಿಗೆ 2 ಕೋಟಿ ರೂ. ಟೆಂಡರ್​ ಕರೆಯಲಾಗಿದೆ ಎಂದರು.

ಕಾನೂನು ತಿಳಿಯದ ಬಿಜೆಪಿ

ರಾಜ್ಯದಲ್ಲಿ ಕಾನೂನು ಸುವ್ಯವಸ್ಥೆ ಸರಿಯಿಲ್ಲ ಎಂದು ಟೀಕೆ ಮಾಡಲಾಗುತ್ತದೆ. ಆದರೆ ಬಿಜೆಪಿ ಮುಖಂಡರಿಗೆ ಕಾನೂನು ಬಗ್ಗೆ ಾನವೇ ಇಲ್ಲ. ಈ ಹಿಂದೆ ಬಿಜೆಪಿ ಅವಧಿಯಲ್ಲಿದ್ದಾಗ ನೈತಿಕ ಪೊಲೀಸ್​ಗಿರಿ ಹೆಚ್ಚಾಗಿತ್ತು. ಬಜರಂಗದಳ ಸೇರಿ ಬಿಜೆಪಿ ಅಂಗ ಸಂಟನೆಗಳು ದೌರ್ಜನ್ಯ ಮಾಡುತ್ತಿದ್ದವು. ಈಗ ಅಂತಹ ಪರಿಸ್ಥಿತಿಯಿಲ್ಲ. ಕಾಂಗ್ರೆಸ್​ ಅವಧಿಯಲ್ಲಿ ಅಪರಾಧ ಕಡಿಮೆ ಆಗಿವೆ. ಪೊಲೀಸರು ಕಾನೂನು ಸುವ್ಯವಸ್ಥೆ ಕಾಪಾಡುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ ಎಂದು ಸಾರಿಗೆ ಸಚಿವ ರಾಮಲಿಂಗಾರೆಡ್ಡಿ ತಿಳಿಸಿದರು.