ಕಳೆದೆರಡು ತಿಂಗಳು ಸುರಿದ ಮಳೆ, ಏಕಾಏಕಿ ಕಾಣಿಸಿಕೊಳ್ಳುತ್ತಿರುವ ಬಿಸಿಲಿನ ವಾತಾವರಣಕ್ಕೆ ಸೊಳ್ಳೆಗಳ ಸಂತತಿ ಹೆಚ್ಚಾಗಿದೆ. ರಸ್ತೆಯ ಬದಿಗಳಲ್ಲಿ ಸಂಗ್ರಹಗೊಳ್ಳುವ ಹಸಿ ಹಾಗೂ ಒಣಕಸ, ಚರಂಡಿಗಳಲ್ಲಿನ ಮಲೀನ ನೀರು. ಮನೆಯ ಅಕ್ಕಪಕ್ಕ ಖಾಲಿ ಬಿದ್ದಿರುವ ಸೈಟುಗಳಲ್ಲಿ ಬೆಳೆದಿರುವ ಗಿಡಗಂಟಿಗಳು ಸೊಳ್ಳೆಗಳ ಸಂತತಿ ಹೆಚ್ಚಾಗಲು ಕಾರಣವಾಗಿದೆ. ವಾರ್ಡ್ ವ್ಯಾಪ್ತಿಗಳಲ್ಲಿ ಜ್ವರದಿಂದ ಬಳಲುವವರ ಸಂಖ್ಯೆ ಹೆಚ್ಚಾಗಿದೆ. ಇದರಿಂದಾಗಿ ಸಾರ್ವಜನಿಕ ಆಸ್ಪತ್ರೆಗೆ ತಪಾಸಣೆಗೆಂದು ಬರುವ ರೋಗಿಗಳು ಚೀಟಿ ಪಡೆಯಲು ಸಾಲು ಗಟ್ಟಿ ನಿಲ್ಲುವಂತಹ ಸ್ಥಿತಿ ಎದುರಾಗಿದೆ.
ಸೊಳ್ಳೆಗಳ ಹಾವಳಿ ಹೆಚ್ಚಾಗಿರುವುದರಿಂದ ಜನರು ಮನೆಯ ಬಾಗಿಲು, ಕಿಟಕಿಗಳು ದಿನವಿಡೀ ಮುಚ್ಚಿರಬೇಕಾದ ವಾತಾವರಣ ನಿರ್ಮಾಣವಾಗಿದೆ. ಮಳೆಗಾಲದಲ್ಲಿಯೂ ಮನೆಯ ಫ್ಯಾನ್ 24 ಗಂಟೆ ತಿರುಗುತ್ತಿರಬೇಕಾಗಿದೆ. ಕಳೆದ ನಾಲ್ಕೆÊದು ದಿನಗಳಿಂದ ಸಂಜೆ ವಿದ್ಯುತ್ ಕಡಿತವಾಗುತ್ತಿದ್ದು ಅಂತಹ ಸಮಯದಲ್ಲಿ ಸೊಳ್ಳೆಗಳ ಕಡಿತಕ್ಕೆ ತುತ್ತಾಗಬೇಕಿದೆ. ಸಾಂಕ್ರಾಮಿಕ ಕಾಯಿಲೆಗಳು ಸೇರಿ ಜ್ವರದ ಭೀತಿ ಸಹ ಎದುರಿಸುವಂತಾಗಿದೆ. ನಿಯಂತ್ರಣಕ್ಕಾಗಿ ಬಳಸುವ ಸೊಳ್ಳೆ ಬತ್ತಿಗಳು, ಮ್ಯಾಟ್ಗಳು ಉಪಯೋಗಕ್ಕೆ ಬಾರದಂತಾಗಿದೆ.
ನಗರದಲ್ಲಿ ಸೈಟುಗಳನ್ನು ಖರೀದಿಸುವವರ ಸಂಖ್ಯೆ ದಿನೇದಿನೆ ಹೆಚ್ಚಾಗುತ್ತಿದೆ. ಮನೆ ಕಟ್ಟುವ ಬದಲಾಗಿ ದುಪ್ಪಟ್ಟು ದರಕ್ಕೆ ಮಾರಿಕೊಳ್ಳುತ್ತಾರೆ ಅಥವಾ ಮಾರಾಟ ಮಾಡುತ್ತಾರೆ. ಮಾರಾಟ ಮಾಡುವವರೆಗೂ ನಿವೇಶನ ಖಾಲಿ ಬಿದ್ದು ಗಿಡಗಂಟಿಗಳು ಬೆಳೆದು ಹಾವು, ಚೇಳುಗಳ ವಾಸಸ್ಥಳವಾಗಿದೆ. ಅಲ್ಲದೆ ಸೊಳ್ಳೆಗಳ ಸಂತತಿಗೂ ದಾರಿ ಮಾಡಿಕೊಡುತ್ತಿದೆ. ಖಾಲಿ ಇರುವ ನಿವೇಶನವನ್ನು ನಗರಸಭೆಯಿಂದಲೇ ಸ್ವಚ್ಛತೆ ಮಾಡಿಸಿ ತಗಲುವ ವೆಚ್ಚವನ್ನು ತೆರಿಗೆ ರೂಪದಲ್ಲಿ ಸಂಗ್ರಹಿಸುವ ಆಶಾದಾಯಕ ಬೆಳವಣೀಗೆಗೆ ನಗರಸಭೆ ಅಽಕಾರಿಗಳು ಚಿಂತನೆ ನಡೆಸಿ ಹಲವು ಸಭೆಗಳಲ್ಲಿ ನಿರ್ಧಾರಕ್ಕೆ ಬಂದರಾದರೂ ಕಾರ್ಯಗತವಾಗಿಲ್ಲ.
