ಸೋಂಕಿಗೆ ಇಬ್ಬರು ಸಾವು : ಜಿಲ್ಲೆಯಲ್ಲಿ ಬುಧವಾರ 248 ಜನರಿಗೆ ಸೋಂಕು ದೃಢವಾಗಿದ್ದು, ಕೊರಟಗೆರೆಯಲ್ಲಿ 34 ವರ್ಷದ ಯುವಕ ಹಾಗೂ ಚಿಕ್ಕನಾಯಕನಹಳ್ಳಿ ಕಂದಿಕೆರೆಯಲ್ಲಿ 70 ವರ್ಷದ ವೃದ್ಧ ಕರೊನಾ ಮಹಾಮಾರಿಗೆ ಬಲಿಯಾಗಿದ್ದಾರೆ. ಜಿಲ್ಲಾಸ್ಪತ್ರೆ ತುರ್ತು ನಿಗಾ ಘಟಕದಲ್ಲಿ 14 ಸೋಂಕಿತರಿಗೆ ಚಿಕಿತ್ಸೆ ನೀಡಲಾಗುತ್ತಿದ್ದು, ಜಿಲ್ಲೆಯೆಲ್ಲೆಡೆ ಜನರು ಭಯದಲ್ಲಿ ಬದುಕುವಂತಾಗಿದೆ. ವಿವಿಧ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ 103 ಸೋಂಕಿತರು ಗುಣಮುಖರಾಗಿ ಮನೆಗೆ ತೆರಳಿದ್ದು, ಈವರೆಗೆ 24,985 ಜನರು ಮಹಾಮಾರಿ ವಿರುದ್ಧ ಗೆದ್ದಿದ್ದಾರೆ. ಬುಧವಾರ ತುಮಕೂರು ತಾಲೂಕಿನಲ್ಲಿಯೇ 116 ಜನರಿಗೆ ಸೋಂಕು ದೃಢವಾಗಿದೆ, ಚಿಕ್ಕನಾಯಕನಹಳ್ಳಿ 4, ಗುಬ್ಬಿ 10, ಕೊರಟಗೆರೆ 13, ಕುಣಿಗಲ್ 24, ಮಧುಗಿರಿ 10, ಪಾವಗಡ 15, ಶಿರಾ 16, ತಿಪಟೂರು 31 ಹಾಗೂ ತುರುವೇಕೆರೆಯಲ್ಲಿ 9 ಒಟ್ಟು 248 ಜನರಿಗೆ ಸೋಂಕು ದೃಢವಾಗಿದೆ.
