ಚಿಕ್ಕಬಳ್ಳಾಪುರ: ಆನ್ ಲೈನ್ನಲ್ಲಿ ಅಪರಿಚಿತರ ಮಾತನ್ನು ನಂಬಿಕೊಂಡು ಹಣವನ್ನು ಕಳೆದುಕೊಂಡು ಪ್ರಕರಣಕ್ಕೆ ಸಂಬಂಧಿಸಿದಂತೆ ಜಿಲ್ಲಾ ಅಪರಾಧ ಪತ್ತೆ ದಳ ಠಾಣೆಯಲ್ಲಿ ಪ್ರತ್ಯೇಕ ಎರಡು ದೂರು ದಾಖಲಾಗಿದೆ.
ಬಾಗೇಪಲ್ಲಿ ಪಟ್ಟಣದ ತೌಹೀದ್ ಅಹಮದ್ (24) ಎಂಬುವರು ಟೆಲಿಗ್ರಾಮ್ನಲ್ಲಿ ಬಂದ ಹಣ ಹೂಡಿಕೆಯ ಸಂದೇಶವನ್ನು ನೋಡಿಕೊಂಡು, ಸಲಹೆಯನ್ನು ಪಾಲಿಸಿದ್ದು ಬ್ಯಾಂಕ್ ಖಾತೆಯಿಂದ 1.56 ಲಕ್ಷ ರೂ ಆನ್ ಲೈನ್ ಮೂಲಕ ಅಪರಿಚಿತರಿಗೆ ವರ್ಗಾವಣೆಯಾಗಿದೆ.
ಗೌರಿಬಿದನೂರು ನಗರದ ಮುನೇಶ್ವರ ಬಡಾವಣೆಯ ತಮೀರ್ಜಸನ್ಗೆ ಬ್ಯಾಂಕ್ ಸಿಬ್ಬಂದಿ ಹೆಸರಿನಲ್ಲಿ ಕರೆ ಮಾಡಿದ ಅಪರಿಚಿತರು, ಕ್ರೆಡಿಟ್ ಕಾರ್ಡ್ ಸಮಸ್ಯೆ ಹೆಸರು ಹೇಳಿ ಮಾಹಿತಿ ಪಡೆದುಕೊಂಡಿದ್ದಾರೆ. ಇದರ ಆಧಾರದ ಮೇಲೆ 1,91,083 ರೂ ಲಪಾಟಾಯಿಸಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
