ಜಿಲ್ಲೆ

ವಿಶ್ವಮಾನವ ಕುವೆಂಪು ಶಾಲೆಯಲ್ಲಿ ವಿದ್ಯಾರ್ಥಿ ಸಂಘ ಉದ್ಘಾಟನೆ

26spt1
Published on: 
  • ಸೋಮವಾರಪೇಟೆ : ಚೌಡ್ಲು ವಿಶ್ವಮಾನವ ಕುವೆಂಪು ವಿದ್ಯಾಸಂಸ್ಥೆಯ ಪ್ರೌಢಶಾಲಾ ವಿಭಾಗದ ವಿದ್ಯಾರ್ಥಿ ಸಂಘದ ಉದ್ಘಾಟನೆ ಶಾಲಾ ಸಭಾಂಗಣದಲ್ಲಿ ಇತ್ತೀಚೆಗೆ ನಡೆಯಿತು.

  • ಶಾಲಾ ನಾಯಕಿ ಕೆ.ಸಿ.ಪಂಚಮಿ, ಕ್ರೀಡಾನಾಯಕಿ ಎಚ್.ಆರ್.ದಿಶಿತಾ, ಸಾಂಸ್ಕೃತಿಕ, ಶಿಸ್ತು, ಆರೋಗ್ಯ ವಿಭಾಗದ ನಾಯಕಿಯರುಗಳಾಗಿ ಬಿ.ಎಚ್.ನೀತಾ, ಸಿ.ಎಸ್.ಆದ್ವಿ, ತ್ರೀಶಾಲಗೌಡ, ಸಹಾಯಕ ನಾಯಕರುಗಳಾಗಿ ಪ್ರತೀಕ್, ಸೃಜನ್, ಆದಿತ್ಯ, ದಿಶಾಂತ್, ಜಿತನ್ ಅವರು ಪ್ರತಿಜ್ಞಾವಿಧಿ ಸ್ವೀಕರಿಸಿದರು.

  • ಚೌಡ್ಲು ಕೃಷಿ ಪತ್ತಿನ ಸಹಕಾರ ಸಂಘದ ಅಧ್ಯಕ್ಷ ಕೆ.ಟಿ.ಪರಮೇಶ್ ಮಾತನಾಡಿ, ವಿದ್ಯಾರ್ಥಿ ಜೀವನವನ್ನು ಜ್ಞಾನ ಸಂಪಾದನೆಗೆ ಮುಡಿಪಾಗಿಡಬೇಕು. ಕಲಿಕೆಯ ಸಮಯವನ್ನು ವ್ಯರ್ಥ ಮಾಡಬಾರದು. ಇವತ್ತು ಕಲಿತ ವಿದ್ಯೆ ಮುಂದೆ ನಿಮಗೆ ಉನ್ನತ ಹುದ್ದೆಯನ್ನು ಕಲ್ಪಿಸಿಕೊಡುತ್ತದೆ ಎಂದು ಕಿವಿಮಾತು ಹೇಳಿದರು.

  • ಶಾಲೆಯ ಮುಖ್ಯಶಿಕ್ಷಕಿ ಮಿಲ್‌ಡ್ರೆಡ್ ಗೋನ್ಸಾಲ್ವೆಸ್, ಉಪಾನ್ಯಾಸಕರಾದ ರಜಿತ್‌ಗಾಂಧಿ, ಲಾಂಚನ್ ಕಾರೇಕರ್, ದಿವ್ಯಾ ಇತರರು ಇದ್ದರು. ಮಕ್ಕಳಿಂದ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಿತು. ವಿದ್ಯಾರ್ಥಿಗಳಾದ ರೆಚಾನ, ಸಿರಿ, ರಿಶಾ ಕಾರ್ಯಕ್ರಮ ನಿರ್ವಹಿಸಿದರು.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net