ಕುಂಜಿಬೆಟ್ಟು ವಾರ್ಡ್​ನಲ್ಲಿ ಮಿನಿ ಮಾಸ್ಟ್​ ದೀಪ ಉದ್ಘಾಟನೆ

ರಸ್ತೆ  ತಿರುವಿನಲ್ಲಿ ಹೆಚ್ಚಿದ ಅಪಘಾತ

ನಗರಸಭೆ ವತಿಯಿಂದ ಅಳವಡಿಕೆ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಕುಂಜಿಬೆಟ್ಟು ವಾರ್ಡ್​ನ ನಾಗರಿಕರ ಅಪೇಕ್ಷೆಯಂತೆ ಸುಧೀಂದ್ರ ತೀರ್ಥ ಮಂಟಪ ರಸ್ತೆಯ ತಿರುವಿನಲ್ಲಿ ನಗರಸಭೆಯ ವತಿಯಿಂದ 1.50 ಲಕ್ಷ ರೂ. ವೆಚ್ಚದಲ್ಲಿ ಅಳವಡಿಸಿದ ಮಿನಿ ಮಾಸ್ಟ್​ ದೀಪವನ್ನು ಕಡಿಯಾಳಿಯ ಮಹಿಷಮರ್ಧಿನಿ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿಯ ಸದಸ್ಯ ರವಿರಾಜ ಆಚಾರ್ಯ ಜುಲೈ 17ರಂದು ಸಂಜೆ ಉದ್ಘಾಟಿಸಿದರು.

ವಾರ್ಡ್​ನ ಹಿರಿಯ ನಾಗರಿಕರಾದ ಮಾವುಜಿ ಪಟೇಲ, ಜಯಂತಿಲಾಲ್​ ಪಟೇಲ, ಈಶ್ವರಲಾಲ್​ ಪಟೇಲ, ಸೀತಾರಾಮ ತಂತ್ರಿ, ವಿಠ್ಠಲ ಆಚಾರ್ಯ, ಲಕ್ಷ್ಮೀನಾರಾಯಣ ಹೆಗ್ಡೆ, ಎ.ಜಿ. ಭಟ್​, ಶಿವರಾಜ ಅಂಚನ್​, ಬಿಜೆಪಿ ಉಡುಪಿ ನಗರ ಯುವ ಮೋರ್ಚಾ ಅಧ್ಯಕ್ಷ ಶ್ರೀವತ್ಸ, ಬೂತ್​ ಸಮಿತಿ ಸದಸ್ಯ ಸತೀಶ ಬಿ., ಚಂದ್ರಶೇಖರ ಪ್ರಭು, ಸಂತೋಷ ಪಟೇಲ ಉಪಸ್ಥಿತರಿದ್ದರು.