ಆಧುನಿಕ ಯುಗದಲ್ಲಿ ವಿದ್ಯಾರ್ಥಿಗಳು ಹೊಸ ಸಂಶೋಧನಾ ವಿಷಯಗಳ ಬಗ್ಗೆ ತಿಳಿದುಕೊಳ್ಳುವುದು ಅತಿ ಅವಶ್ಯ

ಮಹಾಲಿಂಗಪುರ:ಆಧುನಿಕ ಯುಗದಲ್ಲಿ ವಿದ್ಯಾರ್ಥಿಗಳು ಹೊಸ ಸಂಶೋಧನಾ ವಿಷಯಗಳ ಬಗ್ಗೆ ತಿಳಿದುಕೊಳ್ಳುವುದು ಅತಿ ಅವಶ್ಯ ಎಂದು ಗೋದಾವರಿ ಬಯೋರಿಫೈನರೀಸ್​ ತಾಂತ್ರಿಕ ಅಧಿಕಾರಿ ದಿನೇಶ ಶರ್ಮಾ ಹೇಳಿದರು.ಸ್ಥಳಿಯ ಕೆಎಲ್​ಇ ಡಿಪ್ಲೊಮಾ ಕಾಲೇಜಿನಲ್ಲಿ ಸೋಮವಾರ ಆಯೋಜಿಸಿದ್ದ ಇಂಜಿನಿಯರ್ಸ್​ ಡೇ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಕೃತಕ ಬುದ್ಧಿಮತ್ತೆ (ಆರ್ಟಿಫಿಸಿಯಲ್​ ಇಂಟಲಿಜೆನ್ಸಿ) ವಿಷಯ ಇಂದು ಜಗತ್ತಿನಾದ್ಯಂತ ಸಂಚಲನ ಮೂಡಿಸುತ್ತಿದೆ. ಅದರ ಬಗ್ಗೆ ಸಂಪೂರ್ಣ ಮಾಹಿತಿ ಪಡೆದುಕೊಳ್ಳುವುದು ವಿದ್ಯಾರ್ಥಿಗಳ ಭವಿಷ್ಯದ ದೃಷ್ಟಿಯಿಂದ ಅತೀ ಅವಶ್ಯ ಎಂದರು.ನಿರಾಣಿ ಶುಗರ್ಸ್​ ಡಿಜಿಎಂ ದಯಾನಂದ ನಾಡಗೌಡ ಮಾತನಾಡಿ, ವಿದ್ಯಾರ್ಥಿಗಳು ವಿಶ್ವೇಶ್ವರಯ್ಯ ಅವರ ವಿಶೇಷ ಗುಣಗಳಾದ ಕಠಿಣ ಪರಿಶ್ರಮ, ಕಾಯಕ ನಿಷ್ಠೆ, ಪ್ರಾಮಾಣಿಕತೆ, ಶಿಸ್ತು ಮತ್ತು ಸರಳತೆ ಮೈಗೂಡಿಸಿಕೊಂಡಾಗ ಆಚರಣೆ ಸಾರ್ಥಕವಾಗುತ್ತದೆ ಎಂದರು.

ಪ್ರಾಚಾರ್ಯ ಎಸ್​.ಐ ಕುಂದಗೋಳ ಅಧ್ಯಕ್ಷತೆ ವಹಿಸಿದ್ದರು. ಸಾಂಸತಿಕ ವಿಭಾಗದ ಮುಖ್ಯಸ್ಥೆ ವಂದನಾ ಪಸಾರ, ಉಪನ್ಯಾಸಕರಾದ ಸುಭಾಷ ಮೂಷಿ, ಉಮೇಶ ಹಾದಿಮನಿ, ಮಂಜುನಾಥ ಅರಕೇರಿ, ಸವಿತಾ ಬೀಳಗಿ, ಮಿನಾಜ ಅತ್ತಾರ, ಪ್ರಿಯಾ ಸೋನಾರ, ಅಮಿತ ಜಾಧವ, ವಿಶಾಲ ಮೆಟಗುಡ್ಡ, ಪ್ರಕಾಶ ಬಡಿಗೇರ ಉಪಸ್ಥಿತರಿದ್ದರು. ಲಕ್ಷಿ$್ಮ ನಾಯಕ ನಿರೂಪಿಸಿದರು. ಮಹಾದೇವಿ ಅಂಬಿ ಸ್ವಾಗತಿಸಿದರು, ಪ್ರವಿಣ ಅವರಾದಿ ಪರಿಚಯಿಸಿದರು. ಲಕ್ಷಿ$್ಮ ಅಂಗಡಿ ವಂದಿಸಿದರು.

ಮಹಾಲಿಂಗಪುರದ ಕೆಎಲ್​ಇ ಪಾಲಿಟೆಕ್ನಿಕ್​ನಲ್ಲಿ ಆಯೋಜಿಸಿದ್ದ ಇಂಜಿನಿಯರ್ಸ್​ ಡೇ ಕಾರ್ಯಕ್ರಮದಲ್ಲಿ ಸರ್​.ಎಂ.ವಿಶ್ವೇಶ್ವರಯ್ಯನವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಲಾಯಿತು. ದಿನೇಶ ಶರ್ಮಾ, ಎಸ್​.ಐ.ಕುಂದಗೋಳ, ದಯಾನಂದ ನಾಡಗೌಡ ಇದ್ದರು.