ನಗರದ ಪಿ ಆ್ಯಂಡ್ ಟಿ ಕಾಲನಿಯಲ್ಲಿ ಅಶ್ಚಿನಿ ಎಂಬುವರ ಮನೆಯಲ್ಲಿ 1.90 ಲಕ್ಷ ರೂ. ಮೌಲ್ಯದ 3.50 ಕೆಜಿ ಬೆಳ್ಳಿ ವಸ್ತುಗಳು, 17.56 ಲಕ್ಷ ರೂ. ಮೌಲ್ಯದ 366 ಗ್ರಾಂ ಚಿನ್ನಾಭರಣ ಕಳ್ಳತನ ಮಾಡಲಾಗಿದೆ. ದೀಪಾವಳಿ ಹಬ್ಬದ ಸಂಭ್ರಮಕ್ಕಾಗಿ ಅಶ್ವಿನಿ ಅವರು ಕುಟುಂಬದೊಂದಿಗೆ ತಮ್ಮ ತಾಯಿ ಮನೆಗೆ ತೆರಳಿದ್ದರು. ಬೆಳಗ್ಗೆ ಪಕ್ಕದ ಮನೆಯವರು ಅಶ್ವಿನಿ ಅವರಿಗೆ ಕರೆ ಮಾಡಿ ಕಳ್ಳತನ ಆಗಿರುವ ಬಗ್ಗೆ ಮಾಹಿತಿ ನೀಡಿದ್ದರು. ಬಂದು ನೋಡಿದಾಗ ಮನೆಯ ಗೇಟ್ ಬೀಗ ಮುರಿದು ಬಾಗಿಲಿನ ಇಂಟರ್ ಲಾಕ್ ಮೀಟಿ ತೆಗೆಯಲಾಗಿದ್ದು, ಒಳಗೆ ವಾರ್ಡ್ರೋಬ್ನಲ್ಲಿದ್ದ ಚಿನ್ನಾಭರಣ ಕಳವು ಮಾಡಿರುವುದು ಬೆಳಕಿಗೆ ಬಂದಿದೆ. ಈ ಬಗ್ಗೆ ವಿನೋಬನಗರ ಠಾಣೆಯಲ್ಲಿ ದೂರು ದಾಖಲಾಗಿದೆ.
