ನೀತಿ, ನಿಯಮ, ಲಂಗು-ಲಗಾಮು ಇಲ್ಲದ ವಕ್ಫ್ ಬೋರ್ಡ್ ವಿಜಯಪುರ, ಚಿತ್ರದುರ್ಗ, ಯಾದಗಿರಿ, ಮಂಡ್ಯ ಸೇರಿದಂತೆ ಹತ್ತಕ್ಕೂ ಹೆಚ್ಚಿನ ಜಿಲ್ಲೆಗಳಲ್ಲಿ ಕಂಡ ಕಂಡಲ್ಲಿ ಆಸ್ತಿ ನಮ್ಮದು ಎಂದು ನಾಮಫಲಕ ಅಳವಡಿಸುತ್ತಿರುವುದು ಆತಂಕಕಾರಿ ಸಂಗತಿ. ಆರಂಭದಲ್ಲಿ ರೈತರ ಜಮೀನು ಕಬಳಿಕೆ ಮಾಡಲು ಹೊರಟಿದ್ದು, ಪಹಣಿಗಳಲ್ಲಿ ವಕ್ಫ್ ಎಂದು ನಮೂದು ಮಾಡಿರುವುದು ಬಯಲಾಗಿದೆ. ಸಾಲದೆಂಬಂತೆ ಮಠ, ಶಾಲೆ, ದೇಗುಲಗಳ ಮೇಲೂ ಕೆಂಗಣ್ಣು ಬೀರಿದೆ. ಇಂತಹ ಸಂದಿಗ್ಧ ಸಮಯದಲ್ಲಿ ನನಗೇಕೆ ಎನ್ನುವ ಮನೋಧೋರಣೆಯಿಂದ ಹೊರಬಂದು ಹೋರಾಟ ನಡೆಸುವ ಅನಿವಾರ್ಯತೆ ಎದುರಾಗಿದೆ. ದೇಶದ ಬಹುಸಂಖ್ಯಾತರ ರಕ್ಷಣೆ ಜತೆಗೆ ಆಸ್ತಿ, ಪಾಸ್ತಿ ಉಳಿಸಲು ಸಂಘಟಿತ ಹೋರಾಟ ಮಾಡಬೇಕಿದೆ ಎಂದು ಕರೆ ನೀಡಿದರು.
