ಪಾಲಕರೇ ಹುಷಾರು: ಮಕ್ಕಳು ವ್ಹೀಲಿಂಗ್ ಮಾಡಿದ್ರೆ ತಂದೆ-ತಾಯಿಗೆ ಕೌನ್ಸೆಲಿಂಗ್..!

ಬೆಂಗಳೂರು: ಪಾಲಕರೇ.. ಇನ್ನುಮುಂದೆ ನಿಮ್ಮ ಮಕ್ಕಳಿಗೆ ದ್ವಿಚಕ್ರ ವಾಹನ ಕೊಡುವಾಗ ಹುಷಾರಾಗಿರಿ. ಒಂದುವೇಳೆ ಮಕ್ಕಳು ವ್ಹೀಲಿಂಗ್ ಮಾಡಿದರೆ ಸಂಚಾರ ಪೊಲೀಸರು ತಂದೆ-ತಾಯಿಯನ್ನು ಕೌನ್ಸೆಲಿಂಗ್​ಗೆ ಒಳಪಡಿಸುತ್ತಾರೆ. ಮಾತ್ರವಲ್ಲ, ಮಕ್ಕಳು ದಂಡ ಅಥವಾ ಜೈಲುಶಿಕ್ಷೆಗೆ ಗುರಿ ಆಗಬೇಕಾದ ಸಾಧ್ಯತೆಯೂ ಇರುತ್ತದೆ.

ವ್ಹೀಲಿಂಗ್ ನಡೆಸುವವರ ವಿರುದ್ಧದ ವಿಶೇಷ ಕಾರ್ಯಾಚರಣೆ ಹಿನ್ನೆಲೆಯಲ್ಲಿ ಸಂಚಾರ ವಿಭಾಗದ ಜಂಟಿ ಪೊಲೀಸ್ ಆಯುಕ್ತ ಡಾ.ಬಿ.ಆರ್. ರವಿಕಾಂತೇಗೌಡ ಈ ವಿಷಯ ತಿಳಿಸಿದ್ದಾರೆ. ವ್ಹೀಲಿಂಗ್​ ಪ್ರಕರಣಗಳಲ್ಲಿ 18-20ವರ್ಷ ಒಳಗಿನ ಯುವಕರೇ ಹೆಚ್ಚು. ಒಂದು ವೇಳೆ ಅಪ್ರಾಪ್ತ ವಯಸ್ಸಿನ ಯುವಕರು ವ್ಹೀಲಿಂಗ್ ಮಾಡುವಾಗ ಸಿಕ್ಕಿಹಾಕಿಕೊಂಡರೆ ಅಂಥವರ ತಂದೆ-ತಾಯಿಯ ಮೇಲೆ ಕ್ರಮಕೈಗೊಳ್ಳುತ್ತೇವೆ.

ಇದನ್ನೂ ಓದಿ: ಪೂಜೆ ವೇಳೆ ಕಾಲು ಜಾರಿ ಪ್ರಪಾತಕ್ಕೆ ಬಿದ್ದ ಪೂಜಾರಿ ಸಾವು; ನೋಡನೋಡುತ್ತಿದ್ದಂತೆ ನೂರಾರು ಅಡಿ ಆಳಕ್ಕೆ ಉರುಳಿದ ದೇಹ..

ತಂದೆ-ತಾಯಿಗೆ ಮೊದಲಿಗೆ ಒಂದು ದಿನದ ಕೌನ್ಸೆಲಿಂಗ್ ಮಾಡಿಸುತ್ತೇವೆ. ಆ ಮೂಲಕ ಮಕ್ಕಳಿಗೆ ಯಾವ ವಯಸ್ಸಿಗೆ ವಾಹನ ನೀಡಬೇಕು ಎಂಬುದನ್ನು ತಿಳಿಸುತ್ತೇವೆ. ಅಪ್ರಾಪ್ತ ವಯಸ್ಕರಲ್ಲದವರ ವಿಚಾರದಲ್ಲೂ ಕೌನ್ಸೆಲಿಂಗ್​ಗೆ ಒಳಪಡಿಸುತ್ತೇವೆ. ಅಪಾಯಕಾರಿ ಚಾಲನೆ ಮಾಡುವವರ ವಿರುದ್ದ 107 ಕಾಯ್ದೆ ಪ್ರಕಾರ ಕ್ರಮಜರುಗಿಸಲು ಅವಕಾಶ ಇರುತ್ತದೆ. ಅಲ್ಲದೆ 5ರಿಂದ 10 ಲಕ್ಷ ರೂ. ಬಾಂಡ್ ಅಥವಾ ಜೈಲಿಗೆ ಕಳುಹಿಸಲು ಕೂಡ ಅವಕಾಶ ಇರುತ್ತದೆ ಎಂದು ಅವರು ಎಚ್ಚರಿಕೆ ನೀಡಿದ್ದಾರೆ.

https://www.vijayavani.net/one-who-tried-to-smuggle-drugs-got-arrested

https://www.vijayavani.net/double-murder-accused-was-once-tenant-of-the-victims/