ಬೆಲೆ ಕುಸಿತ ಜಮೀನಿನಲ್ಲೇ ಉಳಿದ ಈರುಳ್ಳಿ

ಹೂವಿನಹಡಗಲಿ: ಈರುಳ್ಳಿ ಬೆಲೆ ಕುಸಿತ ಹಿನ್ನೆಲೆಯಲ್ಲಿ ತಾಲೂಕಿನ ರೈತರು ಫಸಲನ್ನು ಕಟಾವು ಮಾಡಿ ಜಮೀನಿನಲ್ಲೇ ಬಿಟ್ಟಿದ್ದಾರೆ.

ಕಳೆದ ತಿಂಗಳು ಒಂದು ಕೆ.ಜಿ.ಗೆ 15 ರಿಂದ 20 ರೂ. ಇದ್ದ ಈರುಳ್ಳಿ ಬೆಲೆ ಪ್ರಸ್ತುತ ಪ್ರತಿ ಕೆ.ಜಿ.ಗೆ 6 ರಿಂದ 8 ರೂ.ಗೆ ಕುಸಿದಿದೆ. ತಾಲೂಕಿನಿಂದ ದೂರದ ಊರುಗಳಿಗೆ ಖಾಸಗಿ ವಾಹನಗಳಲ್ಲಿ ಈರುಳ್ಳಿ ಮಾರಾಟ ಮಾಡಲು ತೆಗೆದುಕೊಂಡು ಹೋಗಿದ್ದ ರೈತರು ಬೆಲೆ ಸಿಗದೆ ಕಂಗಾಲಾಗಿದ್ದಾರೆ.

ಇನ್ನು ಈರುಳ್ಳಿ ಬೆಳೆಯಲು ಖರ್ಚು ಮಾಡಿದ ಹಣ ಕೈಗೆ ಸಿಗದ ಕಾರಣ ಈರುಳ್ಳಿಯನ್ನು ಕಟಾವು ಮಾಡಿ ಜಮೀನುಗಳಲ್ಲಿಯೇ ಬಿಟ್ಟಿದ್ದಾರೆ.