ನಂತರ ಸುದ್ದಿಗಾರರೊಂದಿಗೆ ಮಾತನಾಡಿ, ಜಿಲ್ಲಾದ್ಯಂತ ಸಾಮಾಜಿಕ, ಶೈಕ್ಷಣಿಕ ಹಾಗೂ ಜಾತಿ ಗಣತಿ ನಡೆಯುತ್ತಿದ್ದು, ಗಣತಿಯಲ್ಲಿ ಹೂವಿನಹಡಗಲಿ ತಾಲೂಕು ಜಿಲ್ಲೆಗೆ ಪ್ರಥಮ ಸ್ಥಾನದಲ್ಲಿದೆ. ಹೂವಿನಹಡಗಲಿ ಶೇ.81.64, ಕೂಡ್ಲಿಗಿ ಶೇ.78.92, ಹಗರಿಬೊಮ್ಮನಹಳ್ಳಿ ಶೇ.77.26, ಹರಪನಹಳ್ಳಿ ಶೇ.77.17, ಕೊಟ್ಟೂರು ಶೇ.71.50, ಹೊಸಪೇಟೆ ಶೇ.49.54, ಸೇರಿ ಜಿಲ್ಲೆಯಲ್ಲಿ ಶೇ.69.27 ಗಣತಿ ಕಾರ್ಯ ನಡೆದಿದೆ. ಅ.7ರ ನಂತರವೂ ಗಣತಿ ಕಾರ್ಯ ಮುಂದುವರೆಯಲಿದೆ. ಹೊಸಪೇಟೆಯಲ್ಲಿ ಗಣತಿದಾರರ ಸಂಖ್ಯೆ ಕಡಿಮೆ ಇರುವುದರಿಂದ ಸಮೀಕ್ಷೆ ಕಾರ್ಯ ವೇಗವಾಗಿ ನಡೆಯುತ್ತಿಲ್ಲ. ಆದ್ದರಿಂದ ಹೆಚ್ಚುವರಿ 143 ಅಂಗನವಾಡಿ ಕಾರ್ಯಕರ್ತೆಯರನ್ನು ಗಣತಿಕಾರ್ಯಕ್ಕೆ ನಿಯೋಜಿಸಲಾಗಿದೆ. ತಾಲೂಕಿನಲ್ಲಿ 6 ಗ್ರಾಮಗಳು ಸಮೀಕ್ಷೆ ಮ್ಯಾಪಿಂಗ್ಗೆ ಒಳಪಟ್ಟಿರದ ಕಾರಣ ಆ ಗ್ರಾಮಗಳಲ್ಲಿ ಸಮೀಕ್ಷೆ ನಡೆದಿಲ್ಲ. ಕೇಂದ್ರ ಕಚೇರಿಯಲ್ಲಿ ಕೆಲ ತಾಂತ್ರಿಕ ದೋಷಗಳನ್ನು ಸರಿಪಡಿಸಿದ ನಂತರ ಸಮೀಕ್ಷೆ ನಡೆಸಲಾಗುವುದು ಎಂದರು.
