ಗಂಡನಿಗೆ ವಿಚ್ಛೇದನ ನೀಡಿದರೆ ಮದುವೆಯಾಗುತ್ತೇನೆ, ಹೊಸ ಜೀವನ ಪ್ರಾರಂಭಿಸೋಣ ಎಂದು ಆರೋಪಿ ಪವನ್ಕುಮಾರ್ ನಂಬಿಸಿದ್ದ. ಇದನ್ನು ನೆಚ್ಚಿಕೊಂಡು ಗಂಡನನ್ನು ಬಿಟ್ಟು ಬಂದ ಪ್ರಿಯತಮೆಯನ್ನು ಮೊದಲಿಗೆ ಯಲಹಂಕ ಬಳಿಯ ಸಿಂಗನಾಯಕನಹಳ್ಳಿಗೆ ಕರೆದೊಯ್ದು ಎರಡು ತಿಂಗಳು ಬಾಡಿಗೆ ಮನೆಯಲ್ಲಿ ಜೀವನ ನಡೆಸಿದ್ದಾನೆ. ಆದರೆ, ಇತ್ತೀಚೆಗೆ ತಂದೆ ಹಾಗೂ ಕುಟುಂಬದ ಸದಸ್ಯರು ಆೇಪ ವ್ಯಕ್ತಪಡಿಸಿದ ಕಾರಣ 12 ದಿನಗಳ ಹಿಂದೆ ಪ್ರಿಯತಮೆಯನ್ನು ಬೈಕ್ನಲ್ಲಿ ಕರೆ ತಂದು ಬಿಟ್ಟು ಹೋಗಿದ್ದಾನೆ. ಅಂದು ನಾಪತ್ತೆಯಾದವನು ಇದುವರೆಗೂ ಸಂಪರ್ಕಕ್ಕೆ ಸಿಕ್ಕಿಲ್ಲ. ಆತನ ಕುಟುಂಬದವರು ಕೂಡ ಮನೆಗೆ ಬೀಗ ಹಾಕಿ, ಸಂಬಂಧಿಕರ ಮನೆಯಲ್ಲಿ ವಾಸಿಸುತ್ತಿದ್ದಾರೆ. ಇಕ್ಕಟ್ಟಿಗೆ ಸಿಲುಕಿದ ಮಹಿಳೆ ಪ್ರಿಯಕರನ ಮನೆ ಎದುರು ಏಕಾಂಗಿಯಾಗಿ ಧರಣಿ ನಡೆಸಿ ಅಳಲು ತೋಡಿಕೊಂಡಿದ್ದಾಳೆ.
