ವೆನ್ಲಾಕ್ಗೆ ಶಬ್ದ ಮಾಲಿನ್ಯದ ಕಿರಿಕಿರಿ ಇರುವುದರಿಂದ ಜಿಲ್ಲಾಡಳಿತಕ್ಕೆ ಹಲವು ದೂರುಗಳು ಸಲ್ಲಿಕೆಯಾಗಿದೆ. ಇಲ್ಲಿ ಚಿಕಿತ್ಸೆ ಪಡೆಯುವ ಶೇ.75ರಷ್ಟು ರೋಗಿಗಳಿಗೆ ವಾಹನದ ಶಬ್ದವೇ ಕಿರಿಕಿರಿ ಎಂಬ ಫೀಡ್ಬ್ಯಾಕ್ ಬಂದ ಕಾರಣ ಶಬ್ದ ಮಾಲಿನ್ಯ ನಿಯಂತ್ರಿಸಲು ಸ್ಮಾರ್ಟ್ ಸಿಟಿಗೆ ಈ ಹಿಂದೆ ಜಿಲ್ಲಾಡಳಿದಿಂದ ಹೊಸ ಪ್ರಸ್ತಾವಣೆಯೊಂದು ಸಲ್ಲಿಕೆಯಾಗಿತ್ತು. ಹಂಪನಕಟ್ಟೆ ಕೇಂದ್ರವಾಗಿ ಸ್ಟೇಟ್ ಬ್ಯಾಂಕ್ ಕಡೆಗೆ, ಪಿವಿಎಸ್, ಬಾವುಟಗುಡ್ಡೆ, ಮಿಲಾಗ್ರಿಸ್, ಅತ್ತಾವರ, ಸೆಂಟ್ರಲ್ ರೈಲು ನಿಲ್ದಾಣಕ್ಕೆ ಹೋಗುವ ರಸ್ತೆಯಿದ್ದು, ಈ ಕೇಂದ್ರ ಭಾಗದಲ್ಲೇ ವೆನ್ಲಾಕ್ ಆಸ್ಪತ್ರೆ ಇದೆ. ವೆನ್ಲಾಕ್ ಆಸ್ಪತ್ರೆಯನ್ನೇ ವಿಭಾಗಿಸಿ ಸೆಂಟ್ರಲ್ ರೈಲು ನಿಲ್ದಾಣಕ್ಕೆ ಹೋಗುವ ರಸ್ತೆಯಿದ್ದು, ಈ ರಸ್ತೆಯಲ್ಲಿ ವಾಹನ ಸಂಚಾರ ಜಾಸ್ತಿ. ಸೆಂಟ್ರಲ್ ರೈಲು ನಿಲ್ದಾಣ ತೆರಳಲು 5 ಪ್ರಮುಖ ರಸ್ತೆಯಿದ್ದು, ವೆನ್ಲಾಕ್-ರೈಲ್ವೆ ಸ್ಟೇಷನ್ ರಸ್ತೆಯ ಸಂಚಾರಕ್ಕೆ ನಿಬರ್ಂಧಿಸಲು ಜಿಲ್ಲಾಡಳಿತ ನಿರ್ಧರಿಸಿತ್ತು. ಇದಕ್ಕೆ ಪೂರಕವಾಗಿ ಸೆಂಟ್ರಲ್ ರೈಲು ನಿಲ್ದಾಣ ಸಂಪರ್ಕಿಸುವ ಇತರೆ ರಸ್ತೆಯನ್ನು ಅಭಿವೃದ್ದಿಪಡಿಸುವ ಹಾಗೂ ಪರ್ಯಾಯ ರಸ್ತೆ ಅಭಿವೃದ್ಧಿಗೆ ಪೂರಕ ಪ್ರಸ್ತಾವಣೆಯನ್ನು ಸ್ಮಾರ್ಟ್ಸಿಟಿ ಸಿದ್ದಪಡಿಸಿದೆ. ಸಧ್ಯಕ್ಕೆ ಈ ಎರಡೂ ಪ್ರಸ್ತಾವಣೆಗಳನ್ನು ಸಾರ್ವಜನಿಕ ಸಂಚಾರ ದೃಷ್ಠಿಯಿಂದ ಕೈಬಿಡಲಾಗಿದೆ.
