ಗುರುದೀಪ ಸಿಂಗ್ ಸರಣಿ ಶ್ರೇಷ್ಠ ಸಾಧನೆ

ಹುಬ್ಬಳ್ಳಿ: ಸ್ಕಾಟ್​ಲ್ಯಾಂಡ್​ನಲ್ಲಿ ಆಯೋಜಿಸಿದ್ದ ಹಿರಿಯರ ( 50ವರ್ಷ ಮೇಲ್ಪಟ್ಟ) ಇಂಡೋ-ಸ್ಕಾಟ್​ಲ್ಯಾಂಡ್ ಫೆಲೋಶಿಪ್ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಹುಬ್ಬಳ್ಳಿಯ ಉದ್ಯಮಿ ಗುರುದೀಪ ಸಿಂಗ್ ಸರಣಿ ಶ್ರೇಷ್ಠ ಸಾಧನೆ ಮಾಡಿದ್ದಾರೆ.

ಜುಲೈ 27ರಿಂದ ಆಗಸ್ಟ್ 3ರವರೆಗೆ ನಡೆದ ನಿಗದಿತ ಓವರ್​ಗಳ ಪಂದ್ಯಾವಳಿಯಲ್ಲಿ ಭಾರತದ ರಾಯಲ್ ಇಂಡಿಯನ್ ತಂಡ ಐದು ಪಂದ್ಯಗಳ ಸರಣಿಯನ್ನು 3-1ರಿಂದ ಜಯಿಸಿತು. (5ನೇ ಪಂದ್ಯ ಮಳೆಯಿಂದ ರದ್ದಾಯಿತು). ಈ ತಂಡದ ಪರವಾಗಿ ಆಡಿದ್ದ ಗುರುದೀಪ್ ಸಿಂಗ್ ನಾಲ್ಕು ಪಂದ್ಯಗಳಲ್ಲಿ 1 ಶತಕ ಸಹಿತ 219 ರನ್ ಗಳಿಸಿದರು. ಬೌಲಿಂಗ್​ನಲ್ಲಿ 2 ವಿಕೆಟ್ ಪಡೆದರಲ್ಲದೇ, ಒಂದು ರನೌಟ್​ಗೂ ಕಾರಣರಾಗಿದ್ದರು.

ಹುಬ್ಬಳ್ಳಿಯಲ್ಲೇ ಹುಟ್ಟಿ ಬೆಳೆದ ಗುರುದೀಪ ಅವರು ಫಾತಿಮಾ ಶಾಲೆಯಲ್ಲಿ ವ್ಯಾಸಂಗ ಮಾಡುತ್ತಿರುವಾಗ ಕ್ರಿಕೆಟ್ ಆಟಗಾರರಾಗಿದ್ದರು. ಪುಣೆಯ ಪ್ರದೀಪ ಗೋಡಬೋಲೆ ನಾಯಕರಾಗಿದ್ದ ರಾಯಲ್ ಇಂಡಿಯನ್ ತಂಡದಲ್ಲಿ ಗುರದೀಪ ಕರ್ನಾಟಕಧ ಏಕೈಕ ಆಟಗಾರರಾಗಿದ್ದರು. ಸ್ಕಾಟ್ಲಾಂಡ್​ನ ಪೋರ್ಟಿ ಕ್ಲಬ್ ಮತ್ತು ರೋಟರಿ ಸಂಸ್ಥೆಯವರು ಈ ಸೌಹಾರ್ದ ಪಂದ್ಯಾವಳಿ ಆಯೋಜಿಸಿದ್ದು, ಪಾಲ್ಗೊಂಡ ಎಲ್ಲರೂ ರೋಟರಿ ಸದಸ್ಯರೇ ಆಗಿದ್ದರು.

ಗುರದೀಪ ಸಹ 1995ರಿಂದ ರೋಟರಿ ಕ್ಲಬ್ ಹುಬ್ಬಳ್ಳಿ ಮಿಡ್​ಟೌನ್ ಸದಸ್ಯರಾಗಿದ್ದು, ಬಾಂಗ್ಲಾದಲ್ಲಿ ನಡೆದ ಮಿನಿ ರೋಟರಿ ಹಬ್ಬದ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಪಾಲ್ಗೊಂಡಿದ್ದರಲ್ಲದೇ ಹುಬ್ಬಳ್ಳಿ ತಂಡ ರನ್ನರ್ಸ್ ಅಪ್ ಆಗಿತ್ತು. ಸೆಪ್ಟೆಂಬನ್​ನಲ್ಲಿ ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ಪಂದ್ಯಾವಳಿಗೆ ಗುರದೀಪ ಆಯ್ಕೆಯಾಗಿದ್ದಾರೆ.