ಹುಬ್ಬಳ್ಳಿ ಶೂಟಿಂಗ್ ಅಕಾಡೆಮಿಗೆ 14 ಪದಕ

ವಿಜಯವಾಣಿ ಸುದ್ದಿಜಾಲ ಹುಬ್ಬಳ್ಳಿ:

ಬೆಂಗಳೂರಿನ ಸಾಯಿ ಶೂಟಿಂಗ್ ರೇಂಜ್​ನಲ್ಲಿ ನಡೆದ 13ನೇ ರಾಜ್ಯ ಮಟ್ಟದ ಶೂಟಿಂಗ್ ಚಾಂಪಿಯನ್​ಶಿಪ್​ನಲ್ಲಿ ಹುಬ್ಬಳ್ಳಿ ಸ್ಪೋರ್ಟ್ಸ್ ಶೂಟಿಂಗ್ ಅಕಾಡೆಮಿಯ ಶೂಟರ್​ಗಳು 4 ಚಿನ್ನ, 8 ಬೆಳ್ಳಿ, 2 ಕಂಚು ಸೇರಿ 14 ಪದಕಗಳನ್ನು ಜಯಿಸಿದ್ದಾರೆ.

ಅಕಾಡೆಮಿಯಿಂದ 79 ಶೂಟರ್​ಗಳು ಭಾಗವಹಿಸಿದ್ದರು. ಕರ್ನಾಟಕ ಒಲಿಂಪಿಕ್ ಅಸೋಸಿಯೇಷನ್ ಅಧ್ಯಕ್ಷ ಗೋವಿಂದರಾಜು ಪದಕ ವಿತರಣೆ ಮಾಡಿದರು.

ರಮೇಶ ಡಿ. 10ಮೀ. ಏರ್ ರೈಫಲ್ ಎನ್​ಆರ್ ಮಾಸ್ಟರ್​ನಲ್ಲಿ ಚಿನ್ನದ ಪದಕ, ಸಿದ್ದಾರ್ಥ ದಿವಟೆ 10ಮೀ. ಏರ್ ಪಿಸ್ತೂಲ್ ಐಎಸ್​ಎಸ್​ಎಫ್​ನಲ್ಲಿ ಹಾಗೂ 50ಮೀ. ಫ್ರೀ ಪಿಸ್ತೂಲ್​ನಲ್ಲಿ ಬೆಳ್ಳಿ ಪದಕ, ಶ್ರೀಕರ ಸಬನಿಸ್ 10ಮೀ. ಏರ್ ರೈಫಲ್ ಐಎಸ್​ಎಸ್​ಎಫ್​ನ ಜೂನಿಯರ್ ಮತ್ತು ಯೂಥ ಎರಡು ವಿಭಾಗಗಳಲ್ಲಿ ಕಂಚು, ರವಿಚಂದ್ರ ಬಾಲೆಹೊಸೂರ, 25ಮೀ. ಸ್ಟಾ್ಯಂಡರ್ಡ್ ಪಿಸ್ತೂಲ್ ಎನ್​ಆರ್ ನಲ್ಲಿ ಬೆಳ್ಳಿ, ಐಶ್ವರ್ಯ ಬಾಲೆಹೊಸೂರ 50ಮೀ. ಫ್ರೀ ಪಿಸ್ತೂಲ್ ಐಎಸ್​ಎಸ್​ಎಫ್​ನಲ್ಲಿ ಬೆಳ್ಳಿ ಪದಕ ಗೆದ್ದಿದ್ದಾರೆ.

ಜಯಶ್ರೀ ಪಾಟೀಲ 50ಮೀ. ಫ್ರೀ ಪಿಸ್ತೂಲ್ ಎನ್​ಆರ್ ಮಾಸ್ಟರ್​ನಲ್ಲಿ ಬೆಳ್ಳಿ, ಮೊಹಮ್ಮದ ಅಜ್ಮಲ್ 25ಮೀ. ಸೆಂಟರ್ ಫೈರ್ ಪಿಸ್ತೂಲ್​ನಲ್ಲಿ ಬೆಳ್ಳಿ, ಮೊಹಮ್ಮದ ಹುಸೇನ ನಾಯಕ 10ಮೀ. ಏರ್ ಪಿಸ್ತೂಲ ಎನ್​ಆರ್ ಕಿವುಡರ ವಿಭಾಗದಲ್ಲಿ ಚಿನ್ನದ ಪದಕ ಪಡೆದಿದ್ದಾರೆ.

10 ಮೀ. ಏರ್ ರೈಫಲ್ ಐಎಸ್​ಎಸ್​ಎಫ್ ಪುರುಷರ ತಂಡ ವಿಭಾಗದಲ್ಲಿ ಹರ್ಷ ಭದ್ರಾಪುರ, ಆದರ್ಶ ನಿಕಂ, ಶ್ರೀಕರ ಸಬನಿಸ್ ಸೇರಿ 2 ಚಿನ್ನ ಹಾಗೂ 1 ಬೆಳ್ಳಿ ಹಾಗೂ ಮಹಿಳೆಯರ 10 ಮೀ. ಏರ್ ಪಿಸ್ತೂಲ್ ಎನ್​ಆರ್ ಯುಥ್ ತಂಡ ವಿಭಾಗದಲ್ಲಿ ವೇದಾವತಿ, ಗೌರಿ ಕೊಚ್ಚಲಾಪುರಮಠ, ಮಿಂಜಿರಿ ಸೇರಿ ಬೆಳ್ಳಿ ಪದಕ ಜಯಿಸಿದ್ದಾರೆ.

ಇವರೆಲ್ಲರೂ ರಾಷ್ಟ್ರ ಮಟ್ಟದ ಶೂಟರ್, ಮಾಜಿ ಸೈನಿಕ ರವಿಚಂದ್ರ ಬಾಲೆಹೊಸೂರ ಅವರಲ್ಲಿ ತರಬೇತಿ ಪಡೆದಿದ್ದಾರೆ.