ಜಿಲ್ಲೆಯಲ್ಲಿ ಸಿರಿಧಾನ್ಯ ಬೆಳೆಯುವಲ್ಲಿ ಕಲಘಟಗಿ ತಾಲೂಕು ಮೊದಲ ಸ್ಥಾನದಲ್ಲಿದೆ. ನವಲಗುಂದ ಮತ್ತು ಅಣ್ಣಿಗೇರಿ ತಾಲೂಕು ಕೊನೆಯ ಸ್ಥಾನದಲ್ಲಿವೆ. 2023-24ನೇ ಸಾಲಿನಲ್ಲಿ ಕಲಘಟಗಿ ತಾಲೂಕಿನಲ್ಲಿ 1,533 ರೈತರು ಸಿರಿಧಾನ್ಯ ಬೆಳೆದಿದ್ದು, 1.47 ಕೋಟಿ ರೂ. ಪ್ರೋತ್ಸಾಹಧನ ಪಡೆದಿದ್ದಾರೆ. ಹುಬ್ಬಳ್ಳಿ ತಾಲೂಕಿನಲ್ಲಿ 430 ರೈತರು ಸಿರಿಧಾನ್ಯ ಬೆಳೆದಿದ್ದು, 37ಲಕ್ಷ ರೂ., ಕುಂದಗೋಳ ತಾಲೂಕಿನಲ್ಲಿ 147 ರೈತರು ಸಿರಿಧಾನ್ಯ ಬೆಳೆದಿದ್ದು, 11 ಲಕ್ಷ ರೂ., ಧಾರವಾಡ 63 ರೈತರು ಸಿರಿಧಾನ್ಯ ಬೆಳೆದು 6.11 ಲಕ್ಷ ರೂ., ಅಣ್ಣಿಗೇರಿ ಹಾಗೂ ನವಲಗುಂದದಲ್ಲಿ 9 ರೈತರು ಸಿರಿಧಾನ್ಯ ಬೆಳೆದು 1.50 ಲಕ್ಷ ರೂ. ಪ್ರೋತ್ಸಾಹಧನ ಪಡೆದಿದ್ದಾರೆ.
